KISAH GIRSANG DORI ANGIN
GIRSANG DORIANGIN
P Girsang
1939
Ibahenma Goranni Anak Panunda , Ini salah satu judul dari Pustaha Parpandanan Na Bolang
Jadi roh ma puang bolon, pakon panak boru Nandorhaya di Bulan, ibobanma bajudni, isurdukhon ma demban bani Guru Gumbak na Bolon, jadi marhata ma Guru Gumbak na Bolon: “Naha do lai, Puang Bolon, hatani dembanta on?” Marsampang ma puang bolon: “On do nini Besan. Ipilih na Besan ma goranni hamanakkanni on!” Jadi marsampang ma Guru Gumbak na Bolon use: ”Naha ma ningon au mambaen goran, seng dong ipamilihkon ari ipanjomputhon boras, arini pe lang naingat, panorangni pe lang na botoh, sabab ribut ijondi bai partubuhni tuan huta on. Ijin do ia tubuh, ijin ma matei raja ondi, ai ma mambaen lang tarpilih atap lang tarbuat goran anggo nini uhurhu, hita malah mangkuhup-kuhupkon goranni lai”, nai ma nini Guru Gumbak na Bolon ondi.
Marsampang ma use puang bolon ondi: ”Ia si Sormaliat nai goranni tondongni na si Besan, naha do gakni ai?” Jadi marsampang ma use Guru Gumbak na Bolon: ”Mase ma nai songon na marsarat goran ai?” ”Non do nini Besan, huahapkon ibaen na dob salpu, hun nagori hapoltakan nari, songon pinomparni andor pastap do au, sanjongkal pe lang na pintor, odohan ni jari pe lang matorang, naniateihon nami i rumah bolon on, nai homa uhurni Tuan Anggi huta on, songon na marliat-liat do uhurni dompak tondongmu on, saor ibotoh na si Besan do, lang pala hagoranan ganup. Aima ase si Sormaliat malah goranni. Seng pala kuhup-kuhup konon ai nini Besan. Riahta ai malah mangkuhupkon domma tuduh sanggah panorangni”.
Jadi marsampang ma Guru Gumbak na Bolon: ”Anggo nai ma ninta lai, nai ma hape”. Dob ai isuruh puang bolon ma Nandorhaya di Bulan pakon panak boru Nardorhaya di Ari manromei boras sapuluh tumba ase iduda manjadi nitak. Dob konsi siap nitak ai iduda, ipamborei ma ai bani singkuta haganup, marurang tangga, mangihut demban dua lambar bei, mansaorhon goran ai, ase ibotoh sidea Tuan Sormaliat ma goranni tuan ai.
Dob ai jumpahma ari patarni laho ma sidea martondur hu Dolog Kasawan rup pakon juak-juakni na margoran si Girsang Doriangin. Das ma sidea i Dolog Kasawan, sanggah martonun do panak boru Dolog Kasawan jumpah sidea, ai ma i balei panjangeian, anjaha martudung-tudung hiou gipul do ia marsurat niadamar (hiou sinuat). Dob konsi ididah panak boru ai Tuan Sormaliat, mintor tarolos do ia mangangkati demban bahen surdukhononni bani Tuan Sormaliat. Dob ai isurdukhon ma demban ai, itangkap tuan ai ma, anjaha isurdukhon si Girsang Doriangin ma parpuran bani panak boru ai, anjaha ihut ma ihatahon si Girsang Doriangin mangindo hata madear humbani panak boru ai.
Nini si Girsang Doriangin aima: ”Sintabi banta panak boru, ia panroh nami on, malas ni paruhuran do. Na manaruhon hata na sada do hanami mangalop hata na dua”, nai ma nini si Girsang Doriangin. Balosni panak boru: ”Ai Girsang Doriangin, na songon si dongkei balang do au bapa, seng pola bulungan, hopalang sangkalan, naha ma ningku nani, na tardogei andar ransang, tarpangan indahan siporhas, murah ma ningon hata, hata pe lang hubotoh, murah ma ningon mardalan, mardalan pe lang hubotoh, na murah ma ningon minum, minum pe lang hubotoh, atap tarpangayah tumang do holi jolma”.
Marsampang ma Tuan Sormaliat use nini ma: ”Seng sonai panak boru anggo nini ateihonku, songon na run-runma, runrun di ajibata, timbahi na umperak gundur na gumalapa; anggo nini ateihonku, bai hata na run-run bai bangsa sibalosi hita ma uhurhu, ulang be maen hata”.
Songon na borat tumang di iahap panak boru ondi mambogei hata ai. Non ma nini panak boru ai mambalosi: ”Tuan nami, sedo tuktukon batu, papan do situktukon, sedo sungkunon au, bapa do sisungkunon”, nai ma nini panak boru ai. Tontang jai maruhur ma Tuan Sormaliat pakon si Girsang Doriangin. Jadi nini si Girsang Doriangin ma use: ”Ai panak boru, na sungkun pe bapa jenges do, agendo dong hata bobanon. Naha ma ningon manungkun hu tongah, anggo seng dong hata bobanon humbani ulu balangni panak boru”, lanjar iberehkon si Girsang Doriangin ma tanda hata. Ia tanda hata ai, omas bunga-bunga do iberehon, ampa simata si raya ponlas. Jadi roh use panak boru ondi, iberehon ma homa hiou tanda hata hiou sanlambar pakon tintin sada, aima marmata punei. Dob ai mulak ma sidea humbani balei panjanggeian ai.
Jumpah patarni, padua ariankon isuruh Tuan Sormaliat ma Gamot Parpandanan na Bolag ai ma wakil Datuk Pamogang, na marayakhon gamotni Tuan Dolog Kasawan manungkun hu tongah atap na dear do uhurni panak boru hu Parpandanan na Bolag, na mambahen tunanganni Tuan Sormaliat. Jumpah ma sahap ai humbani Tuan Dolog Kasawan, dear do, seng dong marhata ulang. Ai ma ipatugah gamot bani wakil Datuk Pamogang. Mulak ma wakil Datuk Pamogang hu Parpandanan, ipatugah ma sahap na madear ai. Dob ai dong ma kira-kira lima ari, isuruh Tuan Sormaliat ma si Girsang Doriaman mamareksa jambulan ondi, ai lalap do ia tudung, seng ongga taridah jambulanni. Ipareksa ma tongon i Dolog Kasawan, hu bah pe panak boru ai lang ongga itanggali tudungni ai.
Pusok tumang do uhurni si Girsang Doriangin, naha ma hubahen nani, nini uhurni, ase taridah jambulanni panak boru ai, isari be namaruhur na lojing, ibuat bana ma ultop, ibuat ma bungani bajaronggi, mambahen lingkitni ultop ai. Jadi iultophon ma hubani tudungni panak boru ai. Solotma hubani lompitanni hiou ai bungani bajaronggi ai.
Jadi nini si Girsang Doriaman ma: “Sintabi banta panak boru, borei hita ma rudangta in bangku”. “Ija ididah ho rudangku?” nini panak boru ai. “Dong ma huidah ibai ulunta in”, nini si Girsang Doriangin. Jadi idadap panak boru ai ma uluni, seng jumpahsi rudang ai. “Naha do ham in, ihatahon ham do rudangku, tapi seng dong”. “Age sarsarhon hita tudungta in lai”, nini si Girsang Doriangin. Isarsarhon panak boru ai ma tongon tudungni ondi, matektek ma tongon bungani bajaronggi ondi. ”Ai hunja ma tongon roh ni ai nai?” nini panak boru ai, ”Seng na mangoto-otoi ham hape bapa”.
Lanjar taridahma jambulanni panak boru ai. Birong do naminei, tapi lang idingat mambahen ganjang antaram sua mambahen banggal. Anjaha dong homai do sada rahasia hun lambung, hatani halak, apala hata na tongon do ai, namangkusiphon bani pinggol ni si Girsang Doriaman. Dob konsi ai mulak ma ia hu Parpandanan. Dop ijai, ipatugah ma bani Tuan Sormaliat na tarjadi ai haganup. Nanididahni matani ampakon nibogeini pinggolni. Nini Tuan Sormaliat ma: ”Naha do ambia Girsang Doriangin pamareksamu bani panak boru ai?” ”Naha ma ningku Tuan nami, mambalosi hatanta ai, ia lang hupatugah, sihol patugahonku. Ia hupatugah, ulang nini uhurhu”. ”Mase nai nim ambia”, nini Tuan Sormaliat. ”Non do Tuan nami, ia jambulan jonggi …ondi seng idingat mambahen ganjang, antaram sua mambahen banggal. Nada do au nada Tuan nami, sipulpul bartong ondi. Domma ibondut itok sibaroh hundul tangan, nada do au nada Tuan nami, panak boru Dolog Kasawan ondi. Domma ibuat bapani ulihni paganjangkon”.
Jadi marhatama Tuan Sormaliat nini ma: ”Anggo nai do ambia, au pe magigi ma, jagar manintak ma hape in. Laho ma ho, susunkon ma hata, lang be saut langkah ondi”.
Patarni tongon laho ma si Girsang Doriangin marayakhon panak boru Dolog Kasawan, jumpahsi ma sanggah martonun i balei panjangeian, ijaima idapothon, nini si Girsang Doriangin ma: ”Sintabi banta panak boru, dong hata huboban humbani Tuan Sormaliat”. Jadi marsampang ma panak boru ondi: ”Naha use sahap sibobanonmu Girsang Doriangin?” nini panak boru ai. Marsampang ma si Girsang Doriangin use: ”Porporhon hita ma buluhta ulang lawah-lawahon, si hilap bajaronggi, marbunga ma juragi. Poshon hita ma uhurta panak boru, ulang kawah-kawahan, anggo Tuan Sormaliat marubah ma sonari”.
Mintor tardosak ma darohni panak boru ai, jondo ma bana. Tinonunni ondi be lang martontu bei, madabuh ma pakon tulakni seng iahapkon, mambur ampa isini bajud so ibogehkon manangar sahap ai, halani pusok ni uhurni. Songon na longang tumang do uhurni, seng ibotoh marsampang, anjaha sip bei. Dokah-dokah use, nini panak boru ai ma: “Ou Girsang Doriangin, tiptip pahu salendang amang, salendang pandurduran, otik do bangku demban amang, demban laho marsirang; ia sirang ma jolma, agendo dong tangis-tangison” nai tumang do sampangni.
Marsahap homai ma si Girsang Doriangin, sambil mangapoh nini ma: “Ai panak boru, ia hutoktok sihor, sihor si panjori; matektek anak bintang, tampei hu bulung hori, anggo nini atehonku, hita mardumpar bohi. Seng hape tarjai seng dong rongkap ni tonduy, ulang pala malungun uhurni panak boru. Buei-bueini jolma tene na mambahen halahoanta”.
Marsampang homai ma panak boru ondi, mambalosi hatani si Girsang Doriangin ai, nini ma: “Ai Girsang Doriangin, ia sinrobe gundur, sinrobe golang-golang; paspas ma lo tanggiang, pusukni hayu madong; ijon hita marsirang, tadingkon ma bapa parmanohan, nasain dokahni ari domma hita somal”. Jadi ipatugah si Girsang Doriangin ma hata ai bani Tuan Sormaliat. Jadi iberehon Tuan Sormaliat ma sada tintin na humbani panak boru ondi. Nini Tuan Sormaliat ma mangkatahon hu bani panak boru ai: ”Ulang iruntuk pandis, pandan arirang ou, manjomur ma simonggei, sampalan mariah tondang; ulang panunut tangis panak boru bani na sirang, anggo manomboh siholta, tarei hita bintang na rondang”. Anjaha roh ma bangorni uhurni panak boru ai mambogei hatani Tuan Sormaliat ondi. Dob ai mintor ibuat Tuan Sormaliat ma gotong-gotongni humbani uluni, iapushon ma hubani iluhni panak boru ai. Lanjar isummah ma ia. Lang pala piga dokah nari mulak ma sidea hu Parpandanan na Bolag. Tapi anggo panak boru ai marpusokni uhur itadingkon sidea.
Das ma sidea i Parpandanan na Bolag, i dokah-dokahni ari use seng be dong marhatontuan i rumahni Tuan Sormaliat. Anggo nini uhurni gamot pangulu dusun maningon mambuat boru ma Tuan Sormaliat. Ija pe lang adong torihon boruni halak na suman, soh ma ia lobei.
Atap piga-piga dokah, roh ma use Tuan Rahat di Panei mambahen podah bani Tuan Sormaliat, nini ma: Ou Sormaliat, anggo jolma ambia anakni harajaan, ulang lang nibotoh mate ni judi”. ”Ajari ham ma au bapa”, nini. Jadi ipaturei sidea ma sada parjudian i horbanganni Parpandanan na Bolag, kira-kira dua puluh holak daohni humbani horbangan ai, imungmungkon ma homa hubani huta na dohor ampa parhuta na daoh na dob parjudian, nai ge na hun Dolog Hararasan roh ma hu gaduh ai, si gaduh do goranni parjudian ai ibahen sidea. Anjaha tanoh do ipaholbung hira-hira lima holak parsagi anjaha judi porang do judi ijai, buluh do ialasi mambahen porang. Hira-hira nansa jari-jari indidihil do banggal ni buluh ai ibatisi anjaha rampah do goranni sugulangon ai, sada hayu sada batu, opat suhi bei do ai, parlunjangni songon parlunjangni tolur do, hupasni sada marmata sada, hupasni na sada marmata opat. Ia goranni na marimbang i bagas judi ai na marlawan do tari hu duga, marlawan do halaga hu tiga. Artini tari ai ma mata ompat pakon mata waluh (ompat-ompat). Ia lawanni sitolu ampa sitolu aima onom (duga ma goranni ai). Ia si sada ampa si sada aima mata dua, kawanni duga ma homani. Jadi ia mata tiga ai ma dua pakon sada (tiga ma goranni), mata pitu pe tiga do goranni. Aima na marlawan ampa halaga. Ai ma ruji-rujini judi na hinan na ginoran judi porang. Anggo sugarani aima Tuan Rahat di Panei (panungkunan bani judi).
Jumpah ma panorangni, mariah ma na marjudi ijai, iparlajari Tuan Sormaliat ma tongon matani judi, marimbang ma ia ampa Tuan Dolog Hararasan, bahat ma monang Tuan Sormaliat, megah ma Tuan Sormaliat. Jadi anggo Tuan Rahat di Panei songon na marhoru do dirina ibahen tontang jai. Nini Tuan Rahat di Panei ma: ”Ou Sormaliat, paradiankon ma judimin ambia, dob ma magou hita”. Jadi nini anakni ondi ma: ”Mase magou nimu Bapa Anggi? ”Domma bahat monang hita”. Nini Tuan Rahat di Panei ma: ”Monang ma nim ambia na talu do hita in. Ai lang ibotoh ho judi on, judi mangalam bunga do na talu”. ”Seng hubotoh Bapa Anggi, lang dong tugah-tugahmu bangku”, naima nini Tuan Sormaliat. ”Lang pe ibotoh ho ambia, anggo hita in na talu ma”, nai ma nini Tuan Rahat di Panei. ”Anggo sonai sonaha ma Bapa Anggi?” ”Nagalar do hansa ambia”. ”Seng dong sungkup galarta Bapa Anggi, sonaha ma?” “Anggo seng sungkup galarni, nini bapa anggini ondi, “ihutkon malah ambia parutangan ondi hu Dolog Hararasan. Naha pe anggo ipudianni ari atap boi holi huayaki ho, ihutkon malah”. Jadi naso binotohni Tuan Sormaliat, domma ihusipkon Tuan Rahat di Panei bani Tuan Dolog Hararasan, ”Bayangkon malah ia”. Anjaha parjudini Tuan Rahat di Panei do anggo Tuan Dolog Hararasan ondi.
nah disitu ada di sebut2 nama si girsang...
PUSTAHA PARPADANAN NABOLAG
1939
Ibahenma Goranni Anak Panunda , Ini salah satu judul dari Pustaha Parpandanan Na Bolang
Jadi roh ma puang bolon, pakon panak boru Nandorhaya di Bulan, ibobanma bajudni, isurdukhon ma demban bani Guru Gumbak na Bolon, jadi marhata ma Guru Gumbak na Bolon: “Naha do lai, Puang Bolon, hatani dembanta on?” Marsampang ma puang bolon: “On do nini Besan. Ipilih na Besan ma goranni hamanakkanni on!” Jadi marsampang ma Guru Gumbak na Bolon use: ”Naha ma ningon au mambaen goran, seng dong ipamilihkon ari ipanjomputhon boras, arini pe lang naingat, panorangni pe lang na botoh, sabab ribut ijondi bai partubuhni tuan huta on. Ijin do ia tubuh, ijin ma matei raja ondi, ai ma mambaen lang tarpilih atap lang tarbuat goran anggo nini uhurhu, hita malah mangkuhup-kuhupkon goranni lai”, nai ma nini Guru Gumbak na Bolon ondi.
Marsampang ma use puang bolon ondi: ”Ia si Sormaliat nai goranni tondongni na si Besan, naha do gakni ai?” Jadi marsampang ma use Guru Gumbak na Bolon: ”Mase ma nai songon na marsarat goran ai?” ”Non do nini Besan, huahapkon ibaen na dob salpu, hun nagori hapoltakan nari, songon pinomparni andor pastap do au, sanjongkal pe lang na pintor, odohan ni jari pe lang matorang, naniateihon nami i rumah bolon on, nai homa uhurni Tuan Anggi huta on, songon na marliat-liat do uhurni dompak tondongmu on, saor ibotoh na si Besan do, lang pala hagoranan ganup. Aima ase si Sormaliat malah goranni. Seng pala kuhup-kuhup konon ai nini Besan. Riahta ai malah mangkuhupkon domma tuduh sanggah panorangni”.
Jadi marsampang ma Guru Gumbak na Bolon: ”Anggo nai ma ninta lai, nai ma hape”. Dob ai isuruh puang bolon ma Nandorhaya di Bulan pakon panak boru Nardorhaya di Ari manromei boras sapuluh tumba ase iduda manjadi nitak. Dob konsi siap nitak ai iduda, ipamborei ma ai bani singkuta haganup, marurang tangga, mangihut demban dua lambar bei, mansaorhon goran ai, ase ibotoh sidea Tuan Sormaliat ma goranni tuan ai.
Dob ai jumpahma ari patarni laho ma sidea martondur hu Dolog Kasawan rup pakon juak-juakni na margoran si Girsang Doriangin. Das ma sidea i Dolog Kasawan, sanggah martonun do panak boru Dolog Kasawan jumpah sidea, ai ma i balei panjangeian, anjaha martudung-tudung hiou gipul do ia marsurat niadamar (hiou sinuat). Dob konsi ididah panak boru ai Tuan Sormaliat, mintor tarolos do ia mangangkati demban bahen surdukhononni bani Tuan Sormaliat. Dob ai isurdukhon ma demban ai, itangkap tuan ai ma, anjaha isurdukhon si Girsang Doriangin ma parpuran bani panak boru ai, anjaha ihut ma ihatahon si Girsang Doriangin mangindo hata madear humbani panak boru ai.
Nini si Girsang Doriangin aima: ”Sintabi banta panak boru, ia panroh nami on, malas ni paruhuran do. Na manaruhon hata na sada do hanami mangalop hata na dua”, nai ma nini si Girsang Doriangin. Balosni panak boru: ”Ai Girsang Doriangin, na songon si dongkei balang do au bapa, seng pola bulungan, hopalang sangkalan, naha ma ningku nani, na tardogei andar ransang, tarpangan indahan siporhas, murah ma ningon hata, hata pe lang hubotoh, murah ma ningon mardalan, mardalan pe lang hubotoh, na murah ma ningon minum, minum pe lang hubotoh, atap tarpangayah tumang do holi jolma”.
Marsampang ma Tuan Sormaliat use nini ma: ”Seng sonai panak boru anggo nini ateihonku, songon na run-runma, runrun di ajibata, timbahi na umperak gundur na gumalapa; anggo nini ateihonku, bai hata na run-run bai bangsa sibalosi hita ma uhurhu, ulang be maen hata”.
Songon na borat tumang di iahap panak boru ondi mambogei hata ai. Non ma nini panak boru ai mambalosi: ”Tuan nami, sedo tuktukon batu, papan do situktukon, sedo sungkunon au, bapa do sisungkunon”, nai ma nini panak boru ai. Tontang jai maruhur ma Tuan Sormaliat pakon si Girsang Doriangin. Jadi nini si Girsang Doriangin ma use: ”Ai panak boru, na sungkun pe bapa jenges do, agendo dong hata bobanon. Naha ma ningon manungkun hu tongah, anggo seng dong hata bobanon humbani ulu balangni panak boru”, lanjar iberehkon si Girsang Doriangin ma tanda hata. Ia tanda hata ai, omas bunga-bunga do iberehon, ampa simata si raya ponlas. Jadi roh use panak boru ondi, iberehon ma homa hiou tanda hata hiou sanlambar pakon tintin sada, aima marmata punei. Dob ai mulak ma sidea humbani balei panjanggeian ai.
Jumpah patarni, padua ariankon isuruh Tuan Sormaliat ma Gamot Parpandanan na Bolag ai ma wakil Datuk Pamogang, na marayakhon gamotni Tuan Dolog Kasawan manungkun hu tongah atap na dear do uhurni panak boru hu Parpandanan na Bolag, na mambahen tunanganni Tuan Sormaliat. Jumpah ma sahap ai humbani Tuan Dolog Kasawan, dear do, seng dong marhata ulang. Ai ma ipatugah gamot bani wakil Datuk Pamogang. Mulak ma wakil Datuk Pamogang hu Parpandanan, ipatugah ma sahap na madear ai. Dob ai dong ma kira-kira lima ari, isuruh Tuan Sormaliat ma si Girsang Doriaman mamareksa jambulan ondi, ai lalap do ia tudung, seng ongga taridah jambulanni. Ipareksa ma tongon i Dolog Kasawan, hu bah pe panak boru ai lang ongga itanggali tudungni ai.
Pusok tumang do uhurni si Girsang Doriangin, naha ma hubahen nani, nini uhurni, ase taridah jambulanni panak boru ai, isari be namaruhur na lojing, ibuat bana ma ultop, ibuat ma bungani bajaronggi, mambahen lingkitni ultop ai. Jadi iultophon ma hubani tudungni panak boru ai. Solotma hubani lompitanni hiou ai bungani bajaronggi ai.
Jadi nini si Girsang Doriaman ma: “Sintabi banta panak boru, borei hita ma rudangta in bangku”. “Ija ididah ho rudangku?” nini panak boru ai. “Dong ma huidah ibai ulunta in”, nini si Girsang Doriangin. Jadi idadap panak boru ai ma uluni, seng jumpahsi rudang ai. “Naha do ham in, ihatahon ham do rudangku, tapi seng dong”. “Age sarsarhon hita tudungta in lai”, nini si Girsang Doriangin. Isarsarhon panak boru ai ma tongon tudungni ondi, matektek ma tongon bungani bajaronggi ondi. ”Ai hunja ma tongon roh ni ai nai?” nini panak boru ai, ”Seng na mangoto-otoi ham hape bapa”.
Lanjar taridahma jambulanni panak boru ai. Birong do naminei, tapi lang idingat mambahen ganjang antaram sua mambahen banggal. Anjaha dong homai do sada rahasia hun lambung, hatani halak, apala hata na tongon do ai, namangkusiphon bani pinggol ni si Girsang Doriaman. Dob konsi ai mulak ma ia hu Parpandanan. Dop ijai, ipatugah ma bani Tuan Sormaliat na tarjadi ai haganup. Nanididahni matani ampakon nibogeini pinggolni. Nini Tuan Sormaliat ma: ”Naha do ambia Girsang Doriangin pamareksamu bani panak boru ai?” ”Naha ma ningku Tuan nami, mambalosi hatanta ai, ia lang hupatugah, sihol patugahonku. Ia hupatugah, ulang nini uhurhu”. ”Mase nai nim ambia”, nini Tuan Sormaliat. ”Non do Tuan nami, ia jambulan jonggi …ondi seng idingat mambahen ganjang, antaram sua mambahen banggal. Nada do au nada Tuan nami, sipulpul bartong ondi. Domma ibondut itok sibaroh hundul tangan, nada do au nada Tuan nami, panak boru Dolog Kasawan ondi. Domma ibuat bapani ulihni paganjangkon”.
Jadi marhatama Tuan Sormaliat nini ma: ”Anggo nai do ambia, au pe magigi ma, jagar manintak ma hape in. Laho ma ho, susunkon ma hata, lang be saut langkah ondi”.
Patarni tongon laho ma si Girsang Doriangin marayakhon panak boru Dolog Kasawan, jumpahsi ma sanggah martonun i balei panjangeian, ijaima idapothon, nini si Girsang Doriangin ma: ”Sintabi banta panak boru, dong hata huboban humbani Tuan Sormaliat”. Jadi marsampang ma panak boru ondi: ”Naha use sahap sibobanonmu Girsang Doriangin?” nini panak boru ai. Marsampang ma si Girsang Doriangin use: ”Porporhon hita ma buluhta ulang lawah-lawahon, si hilap bajaronggi, marbunga ma juragi. Poshon hita ma uhurta panak boru, ulang kawah-kawahan, anggo Tuan Sormaliat marubah ma sonari”.
Mintor tardosak ma darohni panak boru ai, jondo ma bana. Tinonunni ondi be lang martontu bei, madabuh ma pakon tulakni seng iahapkon, mambur ampa isini bajud so ibogehkon manangar sahap ai, halani pusok ni uhurni. Songon na longang tumang do uhurni, seng ibotoh marsampang, anjaha sip bei. Dokah-dokah use, nini panak boru ai ma: “Ou Girsang Doriangin, tiptip pahu salendang amang, salendang pandurduran, otik do bangku demban amang, demban laho marsirang; ia sirang ma jolma, agendo dong tangis-tangison” nai tumang do sampangni.
Marsahap homai ma si Girsang Doriangin, sambil mangapoh nini ma: “Ai panak boru, ia hutoktok sihor, sihor si panjori; matektek anak bintang, tampei hu bulung hori, anggo nini atehonku, hita mardumpar bohi. Seng hape tarjai seng dong rongkap ni tonduy, ulang pala malungun uhurni panak boru. Buei-bueini jolma tene na mambahen halahoanta”.
Marsampang homai ma panak boru ondi, mambalosi hatani si Girsang Doriangin ai, nini ma: “Ai Girsang Doriangin, ia sinrobe gundur, sinrobe golang-golang; paspas ma lo tanggiang, pusukni hayu madong; ijon hita marsirang, tadingkon ma bapa parmanohan, nasain dokahni ari domma hita somal”. Jadi ipatugah si Girsang Doriangin ma hata ai bani Tuan Sormaliat. Jadi iberehon Tuan Sormaliat ma sada tintin na humbani panak boru ondi. Nini Tuan Sormaliat ma mangkatahon hu bani panak boru ai: ”Ulang iruntuk pandis, pandan arirang ou, manjomur ma simonggei, sampalan mariah tondang; ulang panunut tangis panak boru bani na sirang, anggo manomboh siholta, tarei hita bintang na rondang”. Anjaha roh ma bangorni uhurni panak boru ai mambogei hatani Tuan Sormaliat ondi. Dob ai mintor ibuat Tuan Sormaliat ma gotong-gotongni humbani uluni, iapushon ma hubani iluhni panak boru ai. Lanjar isummah ma ia. Lang pala piga dokah nari mulak ma sidea hu Parpandanan na Bolag. Tapi anggo panak boru ai marpusokni uhur itadingkon sidea.
Das ma sidea i Parpandanan na Bolag, i dokah-dokahni ari use seng be dong marhatontuan i rumahni Tuan Sormaliat. Anggo nini uhurni gamot pangulu dusun maningon mambuat boru ma Tuan Sormaliat. Ija pe lang adong torihon boruni halak na suman, soh ma ia lobei.
Atap piga-piga dokah, roh ma use Tuan Rahat di Panei mambahen podah bani Tuan Sormaliat, nini ma: Ou Sormaliat, anggo jolma ambia anakni harajaan, ulang lang nibotoh mate ni judi”. ”Ajari ham ma au bapa”, nini. Jadi ipaturei sidea ma sada parjudian i horbanganni Parpandanan na Bolag, kira-kira dua puluh holak daohni humbani horbangan ai, imungmungkon ma homa hubani huta na dohor ampa parhuta na daoh na dob parjudian, nai ge na hun Dolog Hararasan roh ma hu gaduh ai, si gaduh do goranni parjudian ai ibahen sidea. Anjaha tanoh do ipaholbung hira-hira lima holak parsagi anjaha judi porang do judi ijai, buluh do ialasi mambahen porang. Hira-hira nansa jari-jari indidihil do banggal ni buluh ai ibatisi anjaha rampah do goranni sugulangon ai, sada hayu sada batu, opat suhi bei do ai, parlunjangni songon parlunjangni tolur do, hupasni sada marmata sada, hupasni na sada marmata opat. Ia goranni na marimbang i bagas judi ai na marlawan do tari hu duga, marlawan do halaga hu tiga. Artini tari ai ma mata ompat pakon mata waluh (ompat-ompat). Ia lawanni sitolu ampa sitolu aima onom (duga ma goranni ai). Ia si sada ampa si sada aima mata dua, kawanni duga ma homani. Jadi ia mata tiga ai ma dua pakon sada (tiga ma goranni), mata pitu pe tiga do goranni. Aima na marlawan ampa halaga. Ai ma ruji-rujini judi na hinan na ginoran judi porang. Anggo sugarani aima Tuan Rahat di Panei (panungkunan bani judi).
Jumpah ma panorangni, mariah ma na marjudi ijai, iparlajari Tuan Sormaliat ma tongon matani judi, marimbang ma ia ampa Tuan Dolog Hararasan, bahat ma monang Tuan Sormaliat, megah ma Tuan Sormaliat. Jadi anggo Tuan Rahat di Panei songon na marhoru do dirina ibahen tontang jai. Nini Tuan Rahat di Panei ma: ”Ou Sormaliat, paradiankon ma judimin ambia, dob ma magou hita”. Jadi nini anakni ondi ma: ”Mase magou nimu Bapa Anggi? ”Domma bahat monang hita”. Nini Tuan Rahat di Panei ma: ”Monang ma nim ambia na talu do hita in. Ai lang ibotoh ho judi on, judi mangalam bunga do na talu”. ”Seng hubotoh Bapa Anggi, lang dong tugah-tugahmu bangku”, naima nini Tuan Sormaliat. ”Lang pe ibotoh ho ambia, anggo hita in na talu ma”, nai ma nini Tuan Rahat di Panei. ”Anggo sonai sonaha ma Bapa Anggi?” ”Nagalar do hansa ambia”. ”Seng dong sungkup galarta Bapa Anggi, sonaha ma?” “Anggo seng sungkup galarni, nini bapa anggini ondi, “ihutkon malah ambia parutangan ondi hu Dolog Hararasan. Naha pe anggo ipudianni ari atap boi holi huayaki ho, ihutkon malah”. Jadi naso binotohni Tuan Sormaliat, domma ihusipkon Tuan Rahat di Panei bani Tuan Dolog Hararasan, ”Bayangkon malah ia”. Anjaha parjudini Tuan Rahat di Panei do anggo Tuan Dolog Hararasan ondi.
nah disitu ada di sebut2 nama si girsang...
PUSTAHA PARPADANAN NABOLAG
Ketikan ulang Dori girsang www.simalungunonline.com
Komentar
Posting Komentar