JEJAK LELUHUR OMPUNTA PARTALIGANJANG
~ MARMIAK HODA ~
Asing sian Debata Mulajadi Nabolon, adong dope tolu nari Debata ni angka Ompunta najolo, ima : 1. BATARA GURU, 2. DEBATA SORI, dohot 3. DEBATA BALABULAN.
Boi do siar Debata natolu on tu jolma, gabe digoari mai Debata Jungjungan, jala tu ompunta parsadaan doi siar. Ganup do Debata natolu on marhundulan~hundulan hoda. Ima:
1. Debata Batara Guru marhundulan Hoda Silintong ( nabirong ) naso haliapan.
2. Debata Sori marhundulan Hoda Sinabara na rara.
3. Debata Balabulan marhundulan Hoda Siganding na rara dohot na bontar jala simataniari dohot ihurna.
Ala Debata Balabulan do siar tu Ompunta Partaliganjang, jadi Hoda miahan songon hundulan i dihita ima Hoda Siganding Simataniar. Ala ni i gabe sada miahan hoda ma hita pinompar ni Raja ni Apul. Dung adong hoda i, jala nunga suman bahen hoda miahan, dititi ma ari laho manguras. Marhorja manang mangkuling ogung do manguras hoda i. Diparade ma pelean tu Debata Balabulan, umpamana:
1. Dengke Daung ( dengke naung pinahiang jala nabinuat sian parsombaonan, na disimpan diatas raga~raga ).
2. Dibagasan pinggan puti ima indahan, lambiak ni pinasa, pisang, aek naung masak dohot ansimun sigatngaton.
3. Pangurasan dibagasan sawan.
4. Bunti.
Molo marmiak hoda hita pinompar ni Raja ni Apul, marga Sihite Panderaja ma manguras hoda miahan i, ala hula~hula ni Ompunta Raja Sigulangbatu dohot Partaliganjang nasida, jala marga Bakkara Toruan ma manogu hoda miahan i tu parsaninagaan, ala hela ni Ompunta Partaliganjang nasida.
PARTALIGANJANG
Di goari do Ompunta Partaliganjang ima Parlangka Jolo, jala mambuat boru ni tulang na do Ompunta on, ima boru ni Sihite Panderaja. Sada do anakna, ima Guru Satongguon, jala sada boruna muli tu marga Bakkara Toruan.
Datu bolon do Ompunta Partaliganjang jala pamungka. Adong do ninna sian na pinungka i guru na ditumpa. Sipata didok halak do Ompunta Partaliganjang on ima PARPUSTAHA dibibir na marpahala an di tangan na, jala datu pangaraksa.
GURU SOTANGGUON
Ompunta Guru Sotangguon mambuat boru ni Banjarnahor Hombanjulu, dua do anak na ima:
1. RAJA SOMALATE dohot
2. RAJA DATU RADJIM
Sumber fb Thamrin Purba
Asing sian Debata Mulajadi Nabolon, adong dope tolu nari Debata ni angka Ompunta najolo, ima : 1. BATARA GURU, 2. DEBATA SORI, dohot 3. DEBATA BALABULAN.
Boi do siar Debata natolu on tu jolma, gabe digoari mai Debata Jungjungan, jala tu ompunta parsadaan doi siar. Ganup do Debata natolu on marhundulan~hundulan hoda. Ima:
1. Debata Batara Guru marhundulan Hoda Silintong ( nabirong ) naso haliapan.
2. Debata Sori marhundulan Hoda Sinabara na rara.
3. Debata Balabulan marhundulan Hoda Siganding na rara dohot na bontar jala simataniari dohot ihurna.
Ala Debata Balabulan do siar tu Ompunta Partaliganjang, jadi Hoda miahan songon hundulan i dihita ima Hoda Siganding Simataniar. Ala ni i gabe sada miahan hoda ma hita pinompar ni Raja ni Apul. Dung adong hoda i, jala nunga suman bahen hoda miahan, dititi ma ari laho manguras. Marhorja manang mangkuling ogung do manguras hoda i. Diparade ma pelean tu Debata Balabulan, umpamana:
1. Dengke Daung ( dengke naung pinahiang jala nabinuat sian parsombaonan, na disimpan diatas raga~raga ).
2. Dibagasan pinggan puti ima indahan, lambiak ni pinasa, pisang, aek naung masak dohot ansimun sigatngaton.
3. Pangurasan dibagasan sawan.
4. Bunti.
Molo marmiak hoda hita pinompar ni Raja ni Apul, marga Sihite Panderaja ma manguras hoda miahan i, ala hula~hula ni Ompunta Raja Sigulangbatu dohot Partaliganjang nasida, jala marga Bakkara Toruan ma manogu hoda miahan i tu parsaninagaan, ala hela ni Ompunta Partaliganjang nasida.
PARTALIGANJANG
Di goari do Ompunta Partaliganjang ima Parlangka Jolo, jala mambuat boru ni tulang na do Ompunta on, ima boru ni Sihite Panderaja. Sada do anakna, ima Guru Satongguon, jala sada boruna muli tu marga Bakkara Toruan.
Datu bolon do Ompunta Partaliganjang jala pamungka. Adong do ninna sian na pinungka i guru na ditumpa. Sipata didok halak do Ompunta Partaliganjang on ima PARPUSTAHA dibibir na marpahala an di tangan na, jala datu pangaraksa.
GURU SOTANGGUON
Ompunta Guru Sotangguon mambuat boru ni Banjarnahor Hombanjulu, dua do anak na ima:
1. RAJA SOMALATE dohot
2. RAJA DATU RADJIM
Sumber fb Thamrin Purba
Komentar
Posting Komentar