KISAH OMPU RAJA SIGULANGBATU
Baligama, Binaligahon Jala Baritama Binaritahon.
RAJA SIGULANGBATU
Adong do sada cerita ni angka natua~tua najolo mengenai Ompunta Raja Sigulangbatu, alana mangihuthon cerita i dohot tona ni angka natua~tua naumposo didok nasida Datu Bolon do Ompunta Raja Sigulangbatu. Anggo hahana na dua ima Pantomhobol nasai holan marburu do ibana sering, jala sai godang do dapot ibana hasil ni buruannaon, di namarburu ibana Pantom do dibaen ibana songon sinjatana, ima semacam hujur, jadi alani gabe digoari ibana PURBA PANTOMHOBOL, ima siahaan anak ni Toga Purba.
Anggo sipaidua, ndang pola olo on mula~mulaon, antar songon na malas do ninna ibana, alani gabe sai holan na marmahan horbo ma ibana, didok angka cerita i parhorbo na utusan do ninna najolo Ompunta Toga Purba, jadi sai holan horbo ni amongnaon ma diparmahan ibana, gabe dibahen ma goarna PURBA PARHORBO.
Anak ni Toga Purba nomor tolu, ima siampudan namanja do halakna, ala anak siampudan gabe lomo~lomo nion do tu hahana na duai, molo manang mahua ibana pintor rodo ompunta Toga Purba mamuruki hahana na dua on, jadi gabe sai holan na marmeami ma ibana, dung hira~hira marsiajar doli~doli ibana, sian naso pamotoan ni amana Ompunta Toga Purba laho do ibana marguru hadatuon tu angka datu di nahumaliang hutana, ima huta Tipang di topi ni Tao Toba jonok tu Bakara, ala disido huta ni Raja Sumba II, ima ompung ni Toga Purba, dua do natoras ni Toga Purba marhahaanggi, Toga Simamora ma siahaan, jala Toga Sihombing ma siampudan.Alai molo diparparibanon gabe Toga Sihombing do siahaan ala jumolo ibana mambuat boru ni Lontung, dung monding Toga Sihombing, dihabia Toga Simamora ma muse hinahabaluhon ni Toga Sihombing, tubu ma anak na tolu, ima Toga Purba, Toga Manalu dohot Toga Debataraja.
Mulak muse hita tu cerita ni Ompunta Raja Sigulangbatu,jempek hata dohonon ala sai holan namarguru ninna Ompunta Raja Sigulangbatu, pola sampe dohot marguru ilmu tu begu dohot babiat, gabe datu bolon ma Ompunta Raja Sigulangbatu, alani hadatuon naon gabe sai holan mardalani ma ulaon na jala martanding hadatuon dohot MARJUJI.alai setiap marjuji ibana sai holan na talu,ndag hea monang, gabe sai roma angka partunggu tu jabu, hinorhon ni gabe sai marsak ma amangna Ompunta Toga Purba marnida pangalaho ni Ompunta Raja Sigulangbatu. Molo ro partunggu tu jabu, gabe sai digarari amangna Ompunta Toga Purba ma utang ni Ompunta Raja Sigulangbatu on. Dung marujung ngolu Ompunta Toga Purba, ndang adong be manggarari utang ni Ompunta Raja Sigulangbatu,gabe mardapot~dapot ma parutanganna alani natalu marjuji, jadi angka parutanganna on pe nungga tung mansai loja dibahen ibana bolak~balik laho martunggu utang ni Ompunta Raja Sigulangbatu, alai sai holan janji tu janji do dibahen ibana. Alani gabe marpungu ma sude angka parutangannaon rap ro nasida laho martunggu tu Ompunta Raja Sigulangbatu. Ala dang targabusi Ompunta Raja Sigulangbatu be nasida sude, ujung na di dok ibana ma tu angka parutangannai, ninna ma " dihamu angka damang, lae dohot sude hamuna, ia taringot tu utangku tu hamuna pasti do gararon ku, alai dang marhepeng ahu, jadi alani ba horbokku na di dolok~dolok an ma hubaen gararna tu hamuna, ninna huhut dipatudu Ompunta Raja Sigulangbatu horbo ni Ompunta Parhorbo na manggagat di dolok~dolok.
" Ba molo nagabe horbo do lehonon mu garar ni utang mi, ba hami pe jaloon nami doi " ninna angka parutangana on.
" Ima, jadi paima hamu ma di toru ni dolok an, asa hulele horboi tu toru, jala tangkup hamuma, jala boan hamu mulak songon garar ni utangku tu hamuna" ninna Ompunta Raja Sigulangbatu papos roha ni angka parutanganna on.Jadi marbubur ma angka parutanganna on laho tu toru ni dolok i, marsiadu ma nasida asa jumolo sahat, ai diok rohana ni angka parutangan ni Ompunta Raja Sigulangbatu on, manang na ise najumolo sahat pintor parjolo ma i dapaotan horbo.Hape dung pungu sude nasida di toru ni dolok i dibahen Ompunta Raja Sigulangbatu ma hadatuon na, di buhar ibana ma angka batu na bolon~bolon sian ginjang ni dolok i marurus tu toru, laos manipa sude angka parutanganna i, gabe mate ma sude parutangannai di tipa batu na diguling ni Ompunta Raja Sigulangbatu sian ginjang, jala utang ni Ompunta Raja Sigulangbatu pe gabe sae ma sude, alana nungga mate parutanganna i.
Dijonoki Ompunta Raja Sigulangbatu ma angka bangke ni na mate i, pintor marsisir ma imbuluna, ngeri dibereng ibana parmate ni angka parutangan nai, sadar ma ibana nungga sala nabinahen nai, alani JUJI ma hape gabe songon on parmate ni halakon sude ninna rohana, sai dirimangi ibana ma parmate ni angka parutanganna on, ala ndang tarpikkiri ibana be sasude na na masai, gabe marsoara na gogo ma ibana dompak ginjang, marjanji tu dirina nasojadi be ulahononna juji sahat tu angka pinompar na, ninna ma : MULAI SADARIO....Manang ise sian pomparanhu na olo mangulahon juji, ingkon buharonku ma ibana songon parbuhar ni angka bangke dohot mudar na duruson" ninna ibana huhut ma ditinggalhon angka bangke na marpeahan di toru ni angka batu i. jadi alani gabe digoari ma Ompunta RAJA SIGULANGBATU.
Jadi susuai tu cerita na diginjang i dohot dohot tu cerita ni Ompunta Raja Sigulangbatu, molo binereng tu nuaeng on, godang do sian hita angka pomparanna na gabe susa ngoluna molo diulahon juji, ndang naholan sada manang dua be binereng songon buktina, nungga godang. Jadi Pinagido tu angka Generasi muda, asa unang sai diulahon juji be tu angka ari nanaeng ro, manang nasintong manang na sala janji ni Ompunta Raja Sigulangbatu, ba tong do porlu rimanganta demi kebaikan ni ngolunta be di angka tingki na mangihut.
Jadi menurut ceritana, hadatuon ni Ompunta Raja Sigulangbatu tu Pahompuna Somalate do dipaturun, jala dipaturun ma muse tu gellengna ima Datu Parulas dohot Datu Parultop, halak on padua pe gabe sai tong do holan na mardalani ulaon na martanding hadatuon sampe sahat tu Simalungun, Karo dohot nahumaliangna, jala tangkas do taida angka keturunan ni Ompunta Datu Parulas dohot Datu Parultop marserak mulai sian Bona Pasogit sahat tu Simalungun, Tanah Karo dohot nahumaliang na.
Mauliate...
Sumber fb Thamrin purba
RAJA SIGULANGBATU
Adong do sada cerita ni angka natua~tua najolo mengenai Ompunta Raja Sigulangbatu, alana mangihuthon cerita i dohot tona ni angka natua~tua naumposo didok nasida Datu Bolon do Ompunta Raja Sigulangbatu. Anggo hahana na dua ima Pantomhobol nasai holan marburu do ibana sering, jala sai godang do dapot ibana hasil ni buruannaon, di namarburu ibana Pantom do dibaen ibana songon sinjatana, ima semacam hujur, jadi alani gabe digoari ibana PURBA PANTOMHOBOL, ima siahaan anak ni Toga Purba.
Anggo sipaidua, ndang pola olo on mula~mulaon, antar songon na malas do ninna ibana, alani gabe sai holan na marmahan horbo ma ibana, didok angka cerita i parhorbo na utusan do ninna najolo Ompunta Toga Purba, jadi sai holan horbo ni amongnaon ma diparmahan ibana, gabe dibahen ma goarna PURBA PARHORBO.
Anak ni Toga Purba nomor tolu, ima siampudan namanja do halakna, ala anak siampudan gabe lomo~lomo nion do tu hahana na duai, molo manang mahua ibana pintor rodo ompunta Toga Purba mamuruki hahana na dua on, jadi gabe sai holan na marmeami ma ibana, dung hira~hira marsiajar doli~doli ibana, sian naso pamotoan ni amana Ompunta Toga Purba laho do ibana marguru hadatuon tu angka datu di nahumaliang hutana, ima huta Tipang di topi ni Tao Toba jonok tu Bakara, ala disido huta ni Raja Sumba II, ima ompung ni Toga Purba, dua do natoras ni Toga Purba marhahaanggi, Toga Simamora ma siahaan, jala Toga Sihombing ma siampudan.Alai molo diparparibanon gabe Toga Sihombing do siahaan ala jumolo ibana mambuat boru ni Lontung, dung monding Toga Sihombing, dihabia Toga Simamora ma muse hinahabaluhon ni Toga Sihombing, tubu ma anak na tolu, ima Toga Purba, Toga Manalu dohot Toga Debataraja.
Mulak muse hita tu cerita ni Ompunta Raja Sigulangbatu,jempek hata dohonon ala sai holan namarguru ninna Ompunta Raja Sigulangbatu, pola sampe dohot marguru ilmu tu begu dohot babiat, gabe datu bolon ma Ompunta Raja Sigulangbatu, alani hadatuon naon gabe sai holan mardalani ma ulaon na jala martanding hadatuon dohot MARJUJI.alai setiap marjuji ibana sai holan na talu,ndag hea monang, gabe sai roma angka partunggu tu jabu, hinorhon ni gabe sai marsak ma amangna Ompunta Toga Purba marnida pangalaho ni Ompunta Raja Sigulangbatu. Molo ro partunggu tu jabu, gabe sai digarari amangna Ompunta Toga Purba ma utang ni Ompunta Raja Sigulangbatu on. Dung marujung ngolu Ompunta Toga Purba, ndang adong be manggarari utang ni Ompunta Raja Sigulangbatu,gabe mardapot~dapot ma parutanganna alani natalu marjuji, jadi angka parutanganna on pe nungga tung mansai loja dibahen ibana bolak~balik laho martunggu utang ni Ompunta Raja Sigulangbatu, alai sai holan janji tu janji do dibahen ibana. Alani gabe marpungu ma sude angka parutangannaon rap ro nasida laho martunggu tu Ompunta Raja Sigulangbatu. Ala dang targabusi Ompunta Raja Sigulangbatu be nasida sude, ujung na di dok ibana ma tu angka parutangannai, ninna ma " dihamu angka damang, lae dohot sude hamuna, ia taringot tu utangku tu hamuna pasti do gararon ku, alai dang marhepeng ahu, jadi alani ba horbokku na di dolok~dolok an ma hubaen gararna tu hamuna, ninna huhut dipatudu Ompunta Raja Sigulangbatu horbo ni Ompunta Parhorbo na manggagat di dolok~dolok.
" Ba molo nagabe horbo do lehonon mu garar ni utang mi, ba hami pe jaloon nami doi " ninna angka parutangana on.
" Ima, jadi paima hamu ma di toru ni dolok an, asa hulele horboi tu toru, jala tangkup hamuma, jala boan hamu mulak songon garar ni utangku tu hamuna" ninna Ompunta Raja Sigulangbatu papos roha ni angka parutanganna on.Jadi marbubur ma angka parutanganna on laho tu toru ni dolok i, marsiadu ma nasida asa jumolo sahat, ai diok rohana ni angka parutangan ni Ompunta Raja Sigulangbatu on, manang na ise najumolo sahat pintor parjolo ma i dapaotan horbo.Hape dung pungu sude nasida di toru ni dolok i dibahen Ompunta Raja Sigulangbatu ma hadatuon na, di buhar ibana ma angka batu na bolon~bolon sian ginjang ni dolok i marurus tu toru, laos manipa sude angka parutanganna i, gabe mate ma sude parutangannai di tipa batu na diguling ni Ompunta Raja Sigulangbatu sian ginjang, jala utang ni Ompunta Raja Sigulangbatu pe gabe sae ma sude, alana nungga mate parutanganna i.
Dijonoki Ompunta Raja Sigulangbatu ma angka bangke ni na mate i, pintor marsisir ma imbuluna, ngeri dibereng ibana parmate ni angka parutangan nai, sadar ma ibana nungga sala nabinahen nai, alani JUJI ma hape gabe songon on parmate ni halakon sude ninna rohana, sai dirimangi ibana ma parmate ni angka parutanganna on, ala ndang tarpikkiri ibana be sasude na na masai, gabe marsoara na gogo ma ibana dompak ginjang, marjanji tu dirina nasojadi be ulahononna juji sahat tu angka pinompar na, ninna ma : MULAI SADARIO....Manang ise sian pomparanhu na olo mangulahon juji, ingkon buharonku ma ibana songon parbuhar ni angka bangke dohot mudar na duruson" ninna ibana huhut ma ditinggalhon angka bangke na marpeahan di toru ni angka batu i. jadi alani gabe digoari ma Ompunta RAJA SIGULANGBATU.
Jadi susuai tu cerita na diginjang i dohot dohot tu cerita ni Ompunta Raja Sigulangbatu, molo binereng tu nuaeng on, godang do sian hita angka pomparanna na gabe susa ngoluna molo diulahon juji, ndang naholan sada manang dua be binereng songon buktina, nungga godang. Jadi Pinagido tu angka Generasi muda, asa unang sai diulahon juji be tu angka ari nanaeng ro, manang nasintong manang na sala janji ni Ompunta Raja Sigulangbatu, ba tong do porlu rimanganta demi kebaikan ni ngolunta be di angka tingki na mangihut.
Jadi menurut ceritana, hadatuon ni Ompunta Raja Sigulangbatu tu Pahompuna Somalate do dipaturun, jala dipaturun ma muse tu gellengna ima Datu Parulas dohot Datu Parultop, halak on padua pe gabe sai tong do holan na mardalani ulaon na martanding hadatuon sampe sahat tu Simalungun, Karo dohot nahumaliangna, jala tangkas do taida angka keturunan ni Ompunta Datu Parulas dohot Datu Parultop marserak mulai sian Bona Pasogit sahat tu Simalungun, Tanah Karo dohot nahumaliang na.
Mauliate...
Sumber fb Thamrin purba
Tung natohodo tutu ba amang
BalasHapus