KISAH OPPUNG RAJA SOMALATE
~ Horas ~
RAJA SOMALATE anakna 2 ima:
1. DATU PARULAS
2. DATU PARULTOP
PARDALANAN NI DATU PARULTOP dohot PARDALANAN NI DATU PARULAS.
Tona ni ompunta angka naparjolo songon cerita sian bona ni pasogit Bakkara songon namangihut on mandok, ia Raja Somalate digoar doi dituri-turian ni Ompu Tuan raja doli na malimatua na ganup taon doli-doli,Sipata do Somalateon on digoari Guru Sateabulan hinorhon ni hadatuonna.Ninna torsa-torsa,Raja Somalate marguru hadatuon do sian sombaon sulu-sulu, marguru monsat sian babiat, marguru ultop sian begu. Pola tahe ninna olo ibana marsaonandi paboan-boan begu mardatu dohot marultop.Dua do anakna ima :
1. DATU PARULAS
2. DATU PARULTOP
Ala di partubu ni nadua on silinduat ( kembar ) do,jadi mullai sian sietek-etekon na do Datu Parultop dohot Datu Parulas diajar-ajari natoras na Raja somalate marguru hadatuon,haulubalangon,parmonsaton dohot Marultop,Songon garaga ma ninna anak na nadua i songon garugu, songon nasada ma ninna duansa songon nadua pulu i duansa dihago-goon dohot dihabeguon hinorhon ni hatatuon na.
Marsiajar doli-doli dope Datu Parulas dohot Datu Parultop nunga sai laho nasida manandanghon ( bertanding ) hadatuon, jala nunga jotjot diontang (diundang ) tu haulubalangon.Nunga pola tahe tarbarita nasida na dua tu luat na humaliang Bakara.
Disada ari dibege nasida ma adong ANDUHUR BOMBON di PARTABUAN ( ladang di juluan di Bakara ).Martahima nasida na dua laho mangultop anduhur i, laho ma nasida tu Partabuan, jala dang pola sadia leleng haidaan ma anduhur i tu nasida.Rap mangultop ma nasida nadua, jala rap mangonai ma mata ni ultop nasida tu andora ni anduhur i, marpupur do anduhur i laho habang, songon na soditerge ultop ni sidua halak i, jala habang ma anduhur i marimpot-impot dompak habinsaran laos so tarida be manang tu dia ujung na.
" Na boha do on anggia, gari LANOK dohot NIMBUR dapot ta ultop, hape on nunga pola dua mata ni ultop tu andorana laos so diterge idaon '", ninna Datu Parulas tu anggina Datu Parultop.
" Ba ahu pe longang ma rahangku nuaeng dison, nunga tung anduhur on huroha na naeng pailahon hita ", Ninna Datu Parultop. "ANGGO DOKHU", ninna Datu Parulas muse manguduti hatana, " ingkon taburu do Anduhur Bombon ondeng, jala ingkon tabahen tu sisuban, sandok ingkon talengkon hosana i ( tapahabis hosana i ), gabe songon na pailahon ma on dihita".
" Ima tutu, manang tu dia laho anduhur i, ba ingkon taburu ma sampe dapot", ninna Datu Parultop ma muse mangalusi.
Saut do tutu di ihutohon nasida Anduhur Bombon i, haidaan do anduhur i tu nasida, alai dang sanga dopena di ultop nasida nunga pintor habang marpupur anduhur i. Dung adong mardua tolu ari nasida na mangihuthon anduhur i, gabe sahat ma nasida tu SABULAN. Dung sahat nasida di Sabulan, sai dianahon nasida ma anduhur i alai laos so haida an. Didok Datu Parulas ma tu anggina Datu Parultop, " Ua mulak ma hita anggia, rohana ma disi anduhur i, dia-diaon maon amanta di huta".
"Ta paima ma jolo manang piga ari nai, unang pintor humalaput hita mulak, jala muse tapartorsok majo mangan Dengke di Sabulan on, alana sai di ingot rohangku na pulik hatatabo ni dengke dison"", ninna Datu Parultop mangalusi hata ni haha na.
Di na saborngin narnipi ma Datu Parulas, di ipi ibana ma naung gabe sumangot natoras na Somalate, jala dipasu-pasu do nasida nadua laho tu panombangan mangalului ampapaga na lomak. Dung tarsunggul ibana dipaboa ma nipi nai tu haha na Datu Parultop.
Dibereng nasdia ma ari, dititi ma manang nipi ni ise doi, hape tingkos do nipi ni namarnipi ari i, diboto nasida ma naung marujung ngolu ni natoras na,satuptup ( sepakat ) ma nasida nadua na so pola mulak be nasida na dua tu huta nasida. Sian i ma nasida manombang, laos huhut mangalului Anduhur Bombon i.
" Botima i hahang " ninna Datu Parultop tu Datu Parulas , Ussuman ma hita marsirang, molo ho tu siamun,ba ahu tu hambirang, ia ho dompak julu, ahu dompak toruan'.
" Olo, tingkos do nanidok mi anggia, asal ma unang gabe tu hansit ni rohanta, ahu pe satolop do tu nanidokmi, ba ise ma hita dompak dolok, jala isema dompak toruan, ba ise hita dompak utara jala ise dompak angkola", ninna Datu Parulas mangalusi hata ni anggina Datu Parultop.
" Ia songon on ma tabehen tondung ta", ninna Datu Parultop tu haha na, " ULTOPHON ma ultop mi tu ginjang, molo tusi dituju mata ni ultop mi, ba dompak ima tuju ni dalan mu, ia tusi tuju ni bona na, ba tusi ma ahu mardalan ".
" Ima tutu hahang " ninna Datu Parultop mangalusi hata ni haha na. Diultophon Datu Parulas ma ultopna tu ginjang, ia dung madabu tu tano, dibereng nasida ma tuju ni mata ni ultop sidalanan ni Datu Parulas, jala tuju ni bona ni ulto sidalanan ni Datu Parultop.
Marsihaolan ma nasida na dua na marhaha maranggi i huhut masiumaan, ai marsirang ma nasdia na sohea marsirang, jala situjuon nasida ima Datu Parultop dompak TAMBA jala Datu Parulas dompak JANJIRAJA.
PARDALANAN NI DATU PARULTOP:
Mardalan ma Datu Parultop songon naung tinontuhon ni tondung nasida na dua,ima natinudu ni mata ni ultopna, gabe sahat ma ibana tu TAMBA.
Di Tamba masa do hatiha i begu antuk .Nungga bahat ninna mate na magodang dohot na metmet di omba i. Di gorahon sada natua-tua ma Datu Parultop ninna ma :
" Sombangku di ho amang pardalan, mulak maho tupudi unang dohot ho maon mate, ai masa nuaengon di luaton begu antuk, sombangku ma diho amang tung mulak ma damang tu pudi " Ueeeee lae natua-tua", ninna Datu Parultop mangalusi, Molo begu do na manggasa-gasa adong do pangambatna, molo sombaon ma manggasa-gasa adong do alop-alopna, ba molo adong sahit adong do ubat na, sude tahe na di tano on adong do alo-alona, nda songon i do lae natua-tua?" ninna Datu Parultop mangalusi hata ondeng.
" Olo tutu, sintong do nanidok mi, ba molo songon i rap ma hita tu Raja ni luat on paboahon nanidok mi", ninna natua-trua i mangalusi hata ni Datu Parultop.Dungi rap laho ma nasida tu Raja ni laut i, dung sidung marsipanganon disungkun Raja i ma tu Datu Parultop, ninna ma: "Ale datu nami, tingkir ma jolo rujim, sungkun ma jolo Ompunta Debata, manang aha do alana jala aha do alpona umbahen namasa begu antuk di huta nami on" Jempek hata dohonon, dung sidung Datu Parultop marmanunk di ampang,ninna ma mangalusii hata ni Raja ni luat i: " Na songon on do boa-boa ni tondung on Raja na mi, na manggasa-gasa do namborunta boru siniang naga umbahen na disuru begu antuk tu luat on, jala songon on ma alop-alop na, di samisara na godang dipoltak ni bulan on, buat hamu horbo bus na tang,ganup huta ma mambahen babi ambat, jala disangkthon ma osang-osang na i di atas ni harbangan, jala une pola asasude ganup mangupa di jabuna be, ima dengke simudur-udur dohot itak puti ma pangupana, molo di baen hamu i, ompu ni na horas ma jolma, gabe ma na niula, sinur na pinahan ", ninna Datu Parulltop.
Saut do tutudipatupa luat i ulpuhan ni Datu Parultop i,gabe dao ma tutu begu-begu i. Gabe mambuat boru ma Datu Parultop di Tamba, laos tubu ma anakna, dibahen ma goarna PURBA TAMBAK, ima angka dongan ta Purba Tambak na di Tambak.
Dungi marningot ma Datu Parultop di Anduhur Bombon si luluan na, gabe di ultophon ma ultopna tu ginjang mamereng si tujuon na.Ia dompak BUKIT KARO ma dituju mata ni ultopna, gabe borhat ma ibana dompak i, Di nasahat ibana tu sada huta,tompuma suara dibege ibana, ai toho hona bobak dibahen babiat anak ni pangulu ni huta i, alai dang mate dope.Dung dibereng Datu Parultop na marsahit i, di daishon ma tawar na ( ubat na ) gabe malum dihilala namarsahit i.Sarma barita i tu Raja ni luat i naung adong datu ro tu luat i, gabe gabe disuru Raja ni luat i ma naposona mangalap Datu Parultop. Dung salpu nasida mangan,disungkun Raja i ma Datu Parultop manang aha sipatupaon nasida asa menak Raja Tombak.
" Menak namai Raja nami, ai nungga hubaen panangkal na, alai molo boi di dok Raja i ma angka naposom na dihuta on mambahen lobu-lobu sian hau bosi, asa tajou nampuna ramba naung mangallang jolma i, ninna Datu Parultop mangalusi hata ni Raja ni luat i. Dung dipasang nasida ma lobu-lobu i, ganup manogot nasa minggu i sai dapotan do antong lobu-lobu i, sipata ma sada, sipata dua sahali dapot jala asing muse dopena na niultop ni ibana arian i.
Mambuat boru ma Datu Parultop di luat i ( Bukit Karo ), tubu ma anak na jala dibahen ma goarna TARIGAN, ima angka dongan ta marga Tarigan na di Bukit Karo. Dungi marningot ma ibana muse di Anduhur Bombon siluluan na, gabe di ultphon ma ultopna mamereng situjuon na, ia dompak TUKTUNG BATU ma dituju mata ni ultop na, gabe laho ma Datu Parultop tu Tuktung Batu.Mambuat boru ma ibana disi jala tubu ma anak na, dibahen ma goarna PURBA BATU ( PURBA SIGULANG BATU songon na dibona ni PASOGIT ). Marujung di Tuktung Batu do ngolu ni Datu Parultop,gabe sombaon do ninna Kuburan na i.
PARDALANAN NI DATU PARULAS
Dung sidung nasida na marhaha maranggi marhata partinggalan jala masiummaan,borhat ma Datu Parulas dompak Janjira,jonjong ma ibana dilambung ni huta Rapusan di topi tao huhut manata-natap dompak Pulo Samosir, hatiha na jongjong ibana, dibereng ibana ma Anduhur Bombon habang dompak HARIAN SAMOSIR, pintor dibahen ibana ma hobas na, dihadang ma ultop na jala dibuat ma solu parsada-sadaan laos dilugahon ma dompak PULO SAMOSIR.Dung hira jonok,dibereng ibna ma anduhur i maet di atas ni batu na bolon, batu parsombaan na margoar " NA MARTUA BATARAGURU" ia batuon ninna ima batu na sinuru ni namar-barimbing doi laho manuhar alo-alona Boru Siniangnaga na mian di Tao.Asa sipata mardalani do batu on dompak tao molo disuru Simarbarimbing, sipata dompak darat ala dipaulak manang ditolak sombaon manonga tao, asa molo adong jolma mandege batu on ba diluahon Bataraguru on ma jolma i tu tonga tao, jala molo di jama halak batu on, ba marsahit ma na manjama i, tu atas batu ima songgop Anduhur Bombon i.Nanget-nanget ma ro Datu Parulas manjonohi batu i, ai marsangkap ibnana naeng manangkup anduhur i.Dung jonok di nalaho manangkup ibana, pintor marpupur ma anduhur i.Marsak ma Datu Parulas , ai disolsoli dirina dang di ultop ibana anduhur i, hinorhon ni arsakna gabe hundul ma ibana di atas ni Bataraguru, ditingki nahundul i huhut martungko isang ibana, ro ma boru ni Raja ni luat i laho mangalap tapian, jala haidaan ma di boru ni Rajani luat i na adong manghunduli Bataraguru, tarsonggot ma ibana huhut longang-longangg, ai dang diluahon batu i jolma namnanghunduli i tu tao, gabe humalaput ma boruni Rajai mulak tu huta,ndang adong be ibana mamboan tapian, hatop ma ibna mandapothon natoras na paboahon na masai huhut didok:...............
Bersambung.......
Lanjut...!!! huhut didok : Amang...adong do jlma manghunduli Batara Guru i,.alai dang pola mahua jala dang humusor Bataraguru i.
Dialusi Raja i ma boru hasian na i, ninna ma : Unang pola parroha-hahon i boru hasian, rohana ma disi, naporan mate ma nuaeng ibana pola barani manghunduli batu Bataraguru i,Alai di dok pe songoni marhusori rohani rajai dibagasan, molo jolma nasomal ibana boasa ndang diluahon tu tao, molo naung mate i tontu madabu sian batui.
Ndang pola sadia leleng nari mamolus ma parsidua tali,Dibereng nasida na dua ma na adong jolma manghunduli Bataraguru i, jadi longang roha nasida na dua mamereng Datu Parulas, begu do hulaning manang jolma, molo jolma i nian nunga luahonon ni batuinon tu tao.Tarsingot tu rohana be, molo binereng begu manghidop iba ninna, molo soi pinulos mata,Dibahen nasida padua ma songon i, dibereng muse ba tong di ida adong hundul di atas batu i, di ingot nasahalak i ma dongan na huhut didok: " Dibereng ho do tahe na di atas Bataraguru an?".
Dialusi dongan na i ma ibana, ninna ma: Ida ma, ido alana ibaen halugahon holengku, nunga manghidop hubahen simalolongku jala nunga hupulos nian, alai sai tong do di si hundul, ai hurimpu Begu na hundu i,
" Ahu pe songon i do, antong jolma doi huroha, ua tapajonok ma tu si,asa tapangkulingi, asal ma unang sala hatanta", ninna dongan nai mangalusi.Dipajonok nasida ma soluna tu Bataraguru laos di dok sahalak sian nasida,ninna ma : Ale Ompung, ia namarhua do hamu hundul di atas batu namarsangap i, ba manghorasi ma hamu, ai jolma do hamu, ba rap muli ma hita tu huta.
Alai di alusi Datu Parulas ma hata i, ninna ma : Mulak ma hamu tu huta, mauliate ma dihamu nadua, dison dope ahu hundul-hundul mamingkiri bagian hu na dangol on.
Hatop do diputar pardengkei ulu ni soluna dompak darat, humalaput ma nasida mulak tu huta, dung dipeakkon nasida ula-ula na, pintor didapthon nasida ma Raja ni luat i paboahon na masai, ai pardengke ni Raja ido nasida,sahalak sian nasida mangkuling, ninna ma: Ale Raja nami,tung tibu pe hami mulak tu huta, na adong jolma huida hami manghunduli Bataraguru, hurimpu hami do jolo begu, ai hupajonok hami tusi jala hupangkulingi hami laos huarahon hami nian tu huta, alai dang olo,dison dope na ahu hundul-hundul mamnigkiri bagian ku, ninna mangalusi hami Raja nami. Ido alana Raja nami umbahen na tibu hami mulak.
" Olo, ninna Raja i mangalusi, ai boru hasian hi pe nunga dipaboa nangkaning,ahu pe longang do disi, alai songo on mai" ninna Raja i muse, "Suru ma angka naposo ni huta on mangalap ibana, anggiat olo,jala laos suru hamu nasida pabolakhon amak tiar hundulan na, dipalu ma ogung mangalap ibana, aitung datu bolon doi huroha, hatop ma patupa hamu" ninna Rajani Luat i.
Dipatupa pangisi ni luat i ma songon na nidok ni Raja i,dohot ma tutu Datu Parulas tu huta.Dung sidung mangan, jala nunga adong sadari saborngin Datu Parulas di huta i, didok Raja i ma tu Datu Parulas, ninna ma:"Ale Datu nami,urupi di gora nami on, ai nunga lelelng hami margora dohot luat hombar nami on, molo olo do hamu mangurupi hami,Parajaon nami do ho diluat on". Di alusi Datu Parulas ma hata ni Raja i,ninna ma:" Sintap ni na tarbahen Raja na mi, ba ta alu-aluhon tu Ompunta namartua Debata, ta alu-aluhon tu Sombaon".
Marsogot nai dung torang ari, marmanuk di ampang ma Datu Parulas mamereng tondung na, manjaha mamereng pasintundalan dohot si tujuon na di jlo ni Raja i dohot angka panuturi na.Dung dapot ari na binuhulna, di pallehon Datu Parulas ma par tahanan tu angka naposo na, borhat ma nasida mambajo alo ni Raja i. Di suru Raja i ma angka ina-ina manghirpasi sian pudi patiop-tiop sipilit dohot parbue Sipilit ima di panghirpason jala parbuei ma dipasaburhon be huhut di panjouhon." Sipilit dihadang-hadang, papilit hujur sian naposongku".
Saut ma tutu hona buhar musu ni Raja i, Saut ma tutu boru ni Raja i di Datu Parulas laos dipatudu ma tano di ibana, tubu ma anak na, dibahen ma goarna PURBA LUMBANRAJA, jala marpinompari do Datu Parulas di si, ima angka dongan ta marga PURBA LUMBAN RAJA na di Nainggolan.
Di nasadari taringot ma turohana Anduhur Bomban si luluanna, di ultophon ma ultopna dompak ginjang, dung peak tu tano anak ni ultop nai,dibereng ma manang dompak dia dituju bona ni ultopna, asa dompak i ibana borhat,jadi ma ibana dompak SAGALA.Pangisi ni sagala sa hatiha i patagam-tagam parmaraan, ai toho mangasa-gasa pidong si pitu ulu,nunga adong huta naung tarulang, jala nunga mabiar halak laho tu balian. " Ualeee amang pardalan, lului partabunian mu, ninna sahalak sian na martabuni tu liang-liang mandok tu Datu Parulas. Dungi mangalusi ma Datu Parulas, ninna ma:" Aha huroha namasa lae,umbahen martabun hamu, " Tongkin nai roma Pidong si Pitu ulu lae, sotung maon dohot hamu di pamate". ninna natua-tua i muse tu Datu Parulas," Pos roha ta lae, na maralo-alo do na ditano on, gari naso ni ida boi do aloon, pos rohanta adong do alo-alo ni". ninna Datu Parulas pa poshon roha ni natua-tua i.
Mangongos ma habegean songon alogo marpiu-piu, ai mamolus pidong si pitu ulu sian atas nasida,hape dang adong diganggu Datu Parulas, longang ma namartabuni i mamereng laos diarahon ma Datu Parukas,ninna ma:" Ua urupi ma hami lae, nunga tung godang pangisi ni luat on naung di pamate, nunga HALEANON Luat on, ala mabiar halak tu balian, tingkir ma jolo tondungmu, manang aha na mangasa-gasa di laut on".
Di alusi Datu Parulas ma Raja i, ninna ma:" Sombaon do Raja nami namanggasa-gasa, alai dang pola dia i, pos rohanta di ultop hon",Molo toho doi lae, parajaongku doho di luat on, asal ma mate Pidong sipitu ulu i, ninna Raja i tu Datu Parulas.
Dung dapot ari na tiniti na, ima rai na jomuk, di paborhat Raja i ma ibana mamrburu pidong i, ndang pola giling ari nunga ma ngongos soara ni habong ni pidong i mangareap-reap dompak Datu Parulas, Di ultop Datu Parulas ma pidong si pitu ulu i, Pisik ma sada-sada ulu ni pidong i di bahen laos mate. Margondang ma pangisi ni luat i pitu ari pitu borngin hinorhon ni las ni rohana, Jala saut ma ibana gabe hela ni Raja i, ima boru Sagala, tubu ma anakna dibahen ma goarna SIBORO, ima angka donganta marga SIBORO na di Sagala.
Ia dapot ma tingkina, ai sai margurak tu rohana mangalului Andhur Bombon i, borhat ma ibana tu LEHU,dung di ultophon ultopna tu ginjang manang dompak dia dituju bona ni Ultopna i, Patagam-tagam habiaran do halak hatiha i di lehu ala sai mangalelei pangula aili si Parante, ia marlojong ma sahak dompak Datu Parulas, jala nunga sada-sada hosana alani loja na.Dipatogap Datu Parulas monsat na ai dirimpu na laho manamun baoa namarlojong i," Aha namsa Lae" ninna Datu Parulas. " Babi parante lae", ninna baoa i mangalusi alang-alang tarbege. "Pahundlu ma jolo,dang pola beha i," ninna Datu Parulas.
Nunga adong masak indahan leleng nasida nahundul i, dipatangkas Datu Parulas ma baoa i manang aha alana umbahen pola songon i parlojong na.Di patorang ma tu Datu Parulas, ninna ma: " Manang ise namalo marmossat diluat on jadi suru on ni pangisi ni luat laho marburu aili i, aut sugari boi hupamate aili i, gabe Raja Paidua ma ahu di luat on, hape dang pola dope sasosor demban hami namaralo i, nunga songon na maheu huhilala, gabe hulehon nama detarhu pasuar-sairho na asa boi ahu malua".
Ditangkasi Datu Parulas ma baoa i, manang na tu sude do janji i marlaku molo boi dipusa aili siparatte i." Pos roham lae, tu sude do dipaboa janji i, ba rap ma hita laho tu jabu ni Raja i." ninna baoai muse tu Datu Parulas.
Mangudompang do jolma di huta ni Raja i didapot nasida nadua, ala naso boi mate aili i,alai disi dijanjihon Datu Parulas na dohot do ibana manguji pamatehon, gabe sumihar ma saotik panaili ni jolma na dihuta i.Dung adong dua ro tolu ari ibana di huta i,dipangido Datu Parulas ma tu Raja i napuran sangatup songon haborhaton na, dung adong tuk jou on ibana na mardalan i nunga pajumpang ibana dohot aili i, di ultop ma aili i pintor marhepor-hepor laos mate.Di gotap ma uluna, disandang adophon marante ni aili i,mardalan ma ibana mulak tu huta.Marsurak-surak ma pangisi ni luat i dibahen las ni rohana, gabe mambuat boru ma ibana disi, jala tubu ma anak na,dibahen ma goarna GIRSANG, ima angka dongan ta marga GIRSANG na di Dairi Papagan Ilir.
Bersambung........
Sambungan: Ia taringot ma rurohana anduhur bombon sidioran ni Datu Parulas, gabe diultophon ma ultopna mamereng tondung situjuon na.Ia dibereng ibana ma bona ni mata ni ultopna manuju dompak Pangururan, gabe marsangkap ma ibana dompak i.Dipaotohon ma tu inanta pardijabu na laho ibana mardatu tu luat ni halak,Jadi borhat ma ibana tu Pangururan.
Di Pangururan ninna hatiha i sai marlungus~lungus do hosa no halak ala manggasa² ninna diluat i naga² sombaon, ima ulok naga si PITU ULU, jala ganup ulunai ninna pitu dila na, nunga losok roha ni halak mangula, ai nunga bidang hauma naung marongrong, godang ladang naung marusrus dibahen naga i. Ai asal di bolus ulok i ninna marongrong ma nabinolis nai. Ia sahat ma Datu Parulas tu sada huta, dibereng ibana ma pangisi ni huta i margukdoppang huhut marilu², disungkun Datu Parulas ma nasida, ninna ma: "Ai aha huroha na masa tu hamu umbahen songon i marsak hamu na?".Dialusi sahalak natua² ima, ninna ma: mate aturaporan nama hami, ai marrongrongan hauma dibaen naga² ni sombaon ima ulok si pitu uli jala mardila si pitu hapi i", ninna natua² i huhut tarilu² simalolong na.
"Unang holsoan hita siala i, ai maralo alo do sandok na diatas tano on, ia so i ba ta alu²hon ti Debata dohot tu sulu² sombaon", ninna Datu Parulas mangalusi na torop i. Dungi sahalak natua² na asing mandok tu Datu Parulas, ninna mandok:" Anggo adong dope Raja na mi naboi pamatehon naga i, ba Raja paidua ma ibana di luat on. Ai nunga disuru Raja² ni luat on naposo na manitinghon, manang ise na boi pamatehon naga i, pabangkiton ni Raja ima ibanaa gabe Raja paidua jala lehononna ma satonga ni luat on rajaan na". Antong molo songoni ba rap ma hita laho tu Raja i asa hubege pandok na, ninna Datu Parulas tu natorop i. Dung i rap laho ma nasida nadua, Datu Parulas mai dohot natua² ondeng tu jolo ni raja i. Diparhatutu Raja i do janjina i,ndang muba i jala dang mose. Toho do di bulan hurung di bulan na Poltak on, ninna Datu Parulas tu raja i, disi pe hupusa naga i, jala hilalao muna ma humuntal tano di parsuda ni hosa na, ninna ibana manguduti hata na.
Toho do tutu ninna barita i, humuntal tano di parsuda ni hosa na, pisik sada² do ulu ni ulok i di ultophon Datu Parulas, laos dihilala luat i songon na humuntal tano i dibahen panggirgir ni naga i diparsuda ni hosa na. Gabe mambuat boru ma Datu Parulas di Pangururan Pulo Samosir, jala tubu ma anakna, dibehen ma goar na SIBORO, ima angka donganta marga Siboro na di Pangururan. Asa marserak sian na dua luat ido angka donganta marga Siboro tu luat na asing. Ia taringot ma muse tu roha ni Datu Parulas Anduhut Bombon sidiorsn na, di ultop ma dompak SARI DOLOK gabe borhat ma ibana tusi dung martinggal hata tu tunggane boruna. Diparaja ma disi Datu Parulas, Tubu ma anakna dibahen ma goarna PURBA SARIBU DOLOK, ima angka dongants Purbs na adong di Saribu Dolok.
Di tano Simalungun sai mardatui do Datu Parulas, pauli pagar dohot mangajarhon poda² tulus, ima najot² tabege molo mambahen ubat: " PODA TULUS ni Simalungun, ubat² naso pola adong tabas²an". Mambuat boru ma Datu Parulas di Simalungun, ima boru Manik, tubu ma anakna disi laos dibahen ma goarna PURBA PAKPAK, ima angka donganta Purba Pakpaka na di Simalungun asa MARHAHA DOLI do hita tu nasida. Saleleng di tano Simalungun godang do di dalani Ompunta Datu Parulas angka luat na asing, jala tong do sai diparaja ibana diganup huta, jala sai adong do anak na ditinggalhon ibana di si. Di nasadari haidaan ma tu Datu Parulas Anduhur Bombon i habang sian ginjang ni simajujungna, gabe di ihuthon ma i, gabe sahat ma ibana tu PARDAGANGAN so pamotoan na. Di Pardagangan ditingki haroro ni udan na marambolas dohot diparsiksik ni silla do hot ronggur, manisio ma Datu Parulas tu bona ni hau tualang nabalgai. Dibereng ibana ma hau tualang i nunga marlubang tu bagasan, mardomu mai huroha naung jumpang hatutua na, disi ma Datu Parulas mate marbatanghon hau tualang, ima sombaon namargoar " KERAMAT KUBAH PARDA-GANGAN"
Sumber fb Thamrin Purba
RAJA SOMALATE anakna 2 ima:
1. DATU PARULAS
2. DATU PARULTOP
PARDALANAN NI DATU PARULTOP dohot PARDALANAN NI DATU PARULAS.
Tona ni ompunta angka naparjolo songon cerita sian bona ni pasogit Bakkara songon namangihut on mandok, ia Raja Somalate digoar doi dituri-turian ni Ompu Tuan raja doli na malimatua na ganup taon doli-doli,Sipata do Somalateon on digoari Guru Sateabulan hinorhon ni hadatuonna.Ninna torsa-torsa,Raja Somalate marguru hadatuon do sian sombaon sulu-sulu, marguru monsat sian babiat, marguru ultop sian begu. Pola tahe ninna olo ibana marsaonandi paboan-boan begu mardatu dohot marultop.Dua do anakna ima :
1. DATU PARULAS
2. DATU PARULTOP
Ala di partubu ni nadua on silinduat ( kembar ) do,jadi mullai sian sietek-etekon na do Datu Parultop dohot Datu Parulas diajar-ajari natoras na Raja somalate marguru hadatuon,haulubalangon,parmonsaton dohot Marultop,Songon garaga ma ninna anak na nadua i songon garugu, songon nasada ma ninna duansa songon nadua pulu i duansa dihago-goon dohot dihabeguon hinorhon ni hatatuon na.
Marsiajar doli-doli dope Datu Parulas dohot Datu Parultop nunga sai laho nasida manandanghon ( bertanding ) hadatuon, jala nunga jotjot diontang (diundang ) tu haulubalangon.Nunga pola tahe tarbarita nasida na dua tu luat na humaliang Bakara.
Disada ari dibege nasida ma adong ANDUHUR BOMBON di PARTABUAN ( ladang di juluan di Bakara ).Martahima nasida na dua laho mangultop anduhur i, laho ma nasida tu Partabuan, jala dang pola sadia leleng haidaan ma anduhur i tu nasida.Rap mangultop ma nasida nadua, jala rap mangonai ma mata ni ultop nasida tu andora ni anduhur i, marpupur do anduhur i laho habang, songon na soditerge ultop ni sidua halak i, jala habang ma anduhur i marimpot-impot dompak habinsaran laos so tarida be manang tu dia ujung na.
" Na boha do on anggia, gari LANOK dohot NIMBUR dapot ta ultop, hape on nunga pola dua mata ni ultop tu andorana laos so diterge idaon '", ninna Datu Parulas tu anggina Datu Parultop.
" Ba ahu pe longang ma rahangku nuaeng dison, nunga tung anduhur on huroha na naeng pailahon hita ", Ninna Datu Parultop. "ANGGO DOKHU", ninna Datu Parulas muse manguduti hatana, " ingkon taburu do Anduhur Bombon ondeng, jala ingkon tabahen tu sisuban, sandok ingkon talengkon hosana i ( tapahabis hosana i ), gabe songon na pailahon ma on dihita".
" Ima tutu, manang tu dia laho anduhur i, ba ingkon taburu ma sampe dapot", ninna Datu Parultop ma muse mangalusi.
Saut do tutu di ihutohon nasida Anduhur Bombon i, haidaan do anduhur i tu nasida, alai dang sanga dopena di ultop nasida nunga pintor habang marpupur anduhur i. Dung adong mardua tolu ari nasida na mangihuthon anduhur i, gabe sahat ma nasida tu SABULAN. Dung sahat nasida di Sabulan, sai dianahon nasida ma anduhur i alai laos so haida an. Didok Datu Parulas ma tu anggina Datu Parultop, " Ua mulak ma hita anggia, rohana ma disi anduhur i, dia-diaon maon amanta di huta".
"Ta paima ma jolo manang piga ari nai, unang pintor humalaput hita mulak, jala muse tapartorsok majo mangan Dengke di Sabulan on, alana sai di ingot rohangku na pulik hatatabo ni dengke dison"", ninna Datu Parultop mangalusi hata ni haha na.
Di na saborngin narnipi ma Datu Parulas, di ipi ibana ma naung gabe sumangot natoras na Somalate, jala dipasu-pasu do nasida nadua laho tu panombangan mangalului ampapaga na lomak. Dung tarsunggul ibana dipaboa ma nipi nai tu haha na Datu Parultop.
Dibereng nasdia ma ari, dititi ma manang nipi ni ise doi, hape tingkos do nipi ni namarnipi ari i, diboto nasida ma naung marujung ngolu ni natoras na,satuptup ( sepakat ) ma nasida nadua na so pola mulak be nasida na dua tu huta nasida. Sian i ma nasida manombang, laos huhut mangalului Anduhur Bombon i.
" Botima i hahang " ninna Datu Parultop tu Datu Parulas , Ussuman ma hita marsirang, molo ho tu siamun,ba ahu tu hambirang, ia ho dompak julu, ahu dompak toruan'.
" Olo, tingkos do nanidok mi anggia, asal ma unang gabe tu hansit ni rohanta, ahu pe satolop do tu nanidokmi, ba ise ma hita dompak dolok, jala isema dompak toruan, ba ise hita dompak utara jala ise dompak angkola", ninna Datu Parulas mangalusi hata ni anggina Datu Parultop.
" Ia songon on ma tabehen tondung ta", ninna Datu Parultop tu haha na, " ULTOPHON ma ultop mi tu ginjang, molo tusi dituju mata ni ultop mi, ba dompak ima tuju ni dalan mu, ia tusi tuju ni bona na, ba tusi ma ahu mardalan ".
" Ima tutu hahang " ninna Datu Parultop mangalusi hata ni haha na. Diultophon Datu Parulas ma ultopna tu ginjang, ia dung madabu tu tano, dibereng nasida ma tuju ni mata ni ultop sidalanan ni Datu Parulas, jala tuju ni bona ni ulto sidalanan ni Datu Parultop.
Marsihaolan ma nasida na dua na marhaha maranggi i huhut masiumaan, ai marsirang ma nasdia na sohea marsirang, jala situjuon nasida ima Datu Parultop dompak TAMBA jala Datu Parulas dompak JANJIRAJA.
PARDALANAN NI DATU PARULTOP:
Mardalan ma Datu Parultop songon naung tinontuhon ni tondung nasida na dua,ima natinudu ni mata ni ultopna, gabe sahat ma ibana tu TAMBA.
Di Tamba masa do hatiha i begu antuk .Nungga bahat ninna mate na magodang dohot na metmet di omba i. Di gorahon sada natua-tua ma Datu Parultop ninna ma :
" Sombangku di ho amang pardalan, mulak maho tupudi unang dohot ho maon mate, ai masa nuaengon di luaton begu antuk, sombangku ma diho amang tung mulak ma damang tu pudi " Ueeeee lae natua-tua", ninna Datu Parultop mangalusi, Molo begu do na manggasa-gasa adong do pangambatna, molo sombaon ma manggasa-gasa adong do alop-alopna, ba molo adong sahit adong do ubat na, sude tahe na di tano on adong do alo-alona, nda songon i do lae natua-tua?" ninna Datu Parultop mangalusi hata ondeng.
" Olo tutu, sintong do nanidok mi, ba molo songon i rap ma hita tu Raja ni luat on paboahon nanidok mi", ninna natua-trua i mangalusi hata ni Datu Parultop.Dungi rap laho ma nasida tu Raja ni laut i, dung sidung marsipanganon disungkun Raja i ma tu Datu Parultop, ninna ma: "Ale datu nami, tingkir ma jolo rujim, sungkun ma jolo Ompunta Debata, manang aha do alana jala aha do alpona umbahen namasa begu antuk di huta nami on" Jempek hata dohonon, dung sidung Datu Parultop marmanunk di ampang,ninna ma mangalusii hata ni Raja ni luat i: " Na songon on do boa-boa ni tondung on Raja na mi, na manggasa-gasa do namborunta boru siniang naga umbahen na disuru begu antuk tu luat on, jala songon on ma alop-alop na, di samisara na godang dipoltak ni bulan on, buat hamu horbo bus na tang,ganup huta ma mambahen babi ambat, jala disangkthon ma osang-osang na i di atas ni harbangan, jala une pola asasude ganup mangupa di jabuna be, ima dengke simudur-udur dohot itak puti ma pangupana, molo di baen hamu i, ompu ni na horas ma jolma, gabe ma na niula, sinur na pinahan ", ninna Datu Parulltop.
Saut do tutudipatupa luat i ulpuhan ni Datu Parultop i,gabe dao ma tutu begu-begu i. Gabe mambuat boru ma Datu Parultop di Tamba, laos tubu ma anakna, dibahen ma goarna PURBA TAMBAK, ima angka dongan ta Purba Tambak na di Tambak.
Dungi marningot ma Datu Parultop di Anduhur Bombon si luluan na, gabe di ultophon ma ultopna tu ginjang mamereng si tujuon na.Ia dompak BUKIT KARO ma dituju mata ni ultopna, gabe borhat ma ibana dompak i, Di nasahat ibana tu sada huta,tompuma suara dibege ibana, ai toho hona bobak dibahen babiat anak ni pangulu ni huta i, alai dang mate dope.Dung dibereng Datu Parultop na marsahit i, di daishon ma tawar na ( ubat na ) gabe malum dihilala namarsahit i.Sarma barita i tu Raja ni luat i naung adong datu ro tu luat i, gabe gabe disuru Raja ni luat i ma naposona mangalap Datu Parultop. Dung salpu nasida mangan,disungkun Raja i ma Datu Parultop manang aha sipatupaon nasida asa menak Raja Tombak.
" Menak namai Raja nami, ai nungga hubaen panangkal na, alai molo boi di dok Raja i ma angka naposom na dihuta on mambahen lobu-lobu sian hau bosi, asa tajou nampuna ramba naung mangallang jolma i, ninna Datu Parultop mangalusi hata ni Raja ni luat i. Dung dipasang nasida ma lobu-lobu i, ganup manogot nasa minggu i sai dapotan do antong lobu-lobu i, sipata ma sada, sipata dua sahali dapot jala asing muse dopena na niultop ni ibana arian i.
Mambuat boru ma Datu Parultop di luat i ( Bukit Karo ), tubu ma anak na jala dibahen ma goarna TARIGAN, ima angka dongan ta marga Tarigan na di Bukit Karo. Dungi marningot ma ibana muse di Anduhur Bombon siluluan na, gabe di ultphon ma ultopna mamereng situjuon na, ia dompak TUKTUNG BATU ma dituju mata ni ultop na, gabe laho ma Datu Parultop tu Tuktung Batu.Mambuat boru ma ibana disi jala tubu ma anak na, dibahen ma goarna PURBA BATU ( PURBA SIGULANG BATU songon na dibona ni PASOGIT ). Marujung di Tuktung Batu do ngolu ni Datu Parultop,gabe sombaon do ninna Kuburan na i.
PARDALANAN NI DATU PARULAS
Dung sidung nasida na marhaha maranggi marhata partinggalan jala masiummaan,borhat ma Datu Parulas dompak Janjira,jonjong ma ibana dilambung ni huta Rapusan di topi tao huhut manata-natap dompak Pulo Samosir, hatiha na jongjong ibana, dibereng ibana ma Anduhur Bombon habang dompak HARIAN SAMOSIR, pintor dibahen ibana ma hobas na, dihadang ma ultop na jala dibuat ma solu parsada-sadaan laos dilugahon ma dompak PULO SAMOSIR.Dung hira jonok,dibereng ibna ma anduhur i maet di atas ni batu na bolon, batu parsombaan na margoar " NA MARTUA BATARAGURU" ia batuon ninna ima batu na sinuru ni namar-barimbing doi laho manuhar alo-alona Boru Siniangnaga na mian di Tao.Asa sipata mardalani do batu on dompak tao molo disuru Simarbarimbing, sipata dompak darat ala dipaulak manang ditolak sombaon manonga tao, asa molo adong jolma mandege batu on ba diluahon Bataraguru on ma jolma i tu tonga tao, jala molo di jama halak batu on, ba marsahit ma na manjama i, tu atas batu ima songgop Anduhur Bombon i.Nanget-nanget ma ro Datu Parulas manjonohi batu i, ai marsangkap ibnana naeng manangkup anduhur i.Dung jonok di nalaho manangkup ibana, pintor marpupur ma anduhur i.Marsak ma Datu Parulas , ai disolsoli dirina dang di ultop ibana anduhur i, hinorhon ni arsakna gabe hundul ma ibana di atas ni Bataraguru, ditingki nahundul i huhut martungko isang ibana, ro ma boru ni Raja ni luat i laho mangalap tapian, jala haidaan ma di boru ni Rajani luat i na adong manghunduli Bataraguru, tarsonggot ma ibana huhut longang-longangg, ai dang diluahon batu i jolma namnanghunduli i tu tao, gabe humalaput ma boruni Rajai mulak tu huta,ndang adong be ibana mamboan tapian, hatop ma ibna mandapothon natoras na paboahon na masai huhut didok:...............
Bersambung.......
Lanjut...!!! huhut didok : Amang...adong do jlma manghunduli Batara Guru i,.alai dang pola mahua jala dang humusor Bataraguru i.
Dialusi Raja i ma boru hasian na i, ninna ma : Unang pola parroha-hahon i boru hasian, rohana ma disi, naporan mate ma nuaeng ibana pola barani manghunduli batu Bataraguru i,Alai di dok pe songoni marhusori rohani rajai dibagasan, molo jolma nasomal ibana boasa ndang diluahon tu tao, molo naung mate i tontu madabu sian batui.
Ndang pola sadia leleng nari mamolus ma parsidua tali,Dibereng nasida na dua ma na adong jolma manghunduli Bataraguru i, jadi longang roha nasida na dua mamereng Datu Parulas, begu do hulaning manang jolma, molo jolma i nian nunga luahonon ni batuinon tu tao.Tarsingot tu rohana be, molo binereng begu manghidop iba ninna, molo soi pinulos mata,Dibahen nasida padua ma songon i, dibereng muse ba tong di ida adong hundul di atas batu i, di ingot nasahalak i ma dongan na huhut didok: " Dibereng ho do tahe na di atas Bataraguru an?".
Dialusi dongan na i ma ibana, ninna ma: Ida ma, ido alana ibaen halugahon holengku, nunga manghidop hubahen simalolongku jala nunga hupulos nian, alai sai tong do di si hundul, ai hurimpu Begu na hundu i,
" Ahu pe songon i do, antong jolma doi huroha, ua tapajonok ma tu si,asa tapangkulingi, asal ma unang sala hatanta", ninna dongan nai mangalusi.Dipajonok nasida ma soluna tu Bataraguru laos di dok sahalak sian nasida,ninna ma : Ale Ompung, ia namarhua do hamu hundul di atas batu namarsangap i, ba manghorasi ma hamu, ai jolma do hamu, ba rap muli ma hita tu huta.
Alai di alusi Datu Parulas ma hata i, ninna ma : Mulak ma hamu tu huta, mauliate ma dihamu nadua, dison dope ahu hundul-hundul mamingkiri bagian hu na dangol on.
Hatop do diputar pardengkei ulu ni soluna dompak darat, humalaput ma nasida mulak tu huta, dung dipeakkon nasida ula-ula na, pintor didapthon nasida ma Raja ni luat i paboahon na masai, ai pardengke ni Raja ido nasida,sahalak sian nasida mangkuling, ninna ma: Ale Raja nami,tung tibu pe hami mulak tu huta, na adong jolma huida hami manghunduli Bataraguru, hurimpu hami do jolo begu, ai hupajonok hami tusi jala hupangkulingi hami laos huarahon hami nian tu huta, alai dang olo,dison dope na ahu hundul-hundul mamnigkiri bagian ku, ninna mangalusi hami Raja nami. Ido alana Raja nami umbahen na tibu hami mulak.
" Olo, ninna Raja i mangalusi, ai boru hasian hi pe nunga dipaboa nangkaning,ahu pe longang do disi, alai songo on mai" ninna Raja i muse, "Suru ma angka naposo ni huta on mangalap ibana, anggiat olo,jala laos suru hamu nasida pabolakhon amak tiar hundulan na, dipalu ma ogung mangalap ibana, aitung datu bolon doi huroha, hatop ma patupa hamu" ninna Rajani Luat i.
Dipatupa pangisi ni luat i ma songon na nidok ni Raja i,dohot ma tutu Datu Parulas tu huta.Dung sidung mangan, jala nunga adong sadari saborngin Datu Parulas di huta i, didok Raja i ma tu Datu Parulas, ninna ma:"Ale Datu nami,urupi di gora nami on, ai nunga lelelng hami margora dohot luat hombar nami on, molo olo do hamu mangurupi hami,Parajaon nami do ho diluat on". Di alusi Datu Parulas ma hata ni Raja i,ninna ma:" Sintap ni na tarbahen Raja na mi, ba ta alu-aluhon tu Ompunta namartua Debata, ta alu-aluhon tu Sombaon".
Marsogot nai dung torang ari, marmanuk di ampang ma Datu Parulas mamereng tondung na, manjaha mamereng pasintundalan dohot si tujuon na di jlo ni Raja i dohot angka panuturi na.Dung dapot ari na binuhulna, di pallehon Datu Parulas ma par tahanan tu angka naposo na, borhat ma nasida mambajo alo ni Raja i. Di suru Raja i ma angka ina-ina manghirpasi sian pudi patiop-tiop sipilit dohot parbue Sipilit ima di panghirpason jala parbuei ma dipasaburhon be huhut di panjouhon." Sipilit dihadang-hadang, papilit hujur sian naposongku".
Saut ma tutu hona buhar musu ni Raja i, Saut ma tutu boru ni Raja i di Datu Parulas laos dipatudu ma tano di ibana, tubu ma anak na, dibahen ma goarna PURBA LUMBANRAJA, jala marpinompari do Datu Parulas di si, ima angka dongan ta marga PURBA LUMBAN RAJA na di Nainggolan.
Di nasadari taringot ma turohana Anduhur Bomban si luluanna, di ultophon ma ultopna dompak ginjang, dung peak tu tano anak ni ultop nai,dibereng ma manang dompak dia dituju bona ni ultopna, asa dompak i ibana borhat,jadi ma ibana dompak SAGALA.Pangisi ni sagala sa hatiha i patagam-tagam parmaraan, ai toho mangasa-gasa pidong si pitu ulu,nunga adong huta naung tarulang, jala nunga mabiar halak laho tu balian. " Ualeee amang pardalan, lului partabunian mu, ninna sahalak sian na martabuni tu liang-liang mandok tu Datu Parulas. Dungi mangalusi ma Datu Parulas, ninna ma:" Aha huroha namasa lae,umbahen martabun hamu, " Tongkin nai roma Pidong si Pitu ulu lae, sotung maon dohot hamu di pamate". ninna natua-tua i muse tu Datu Parulas," Pos roha ta lae, na maralo-alo do na ditano on, gari naso ni ida boi do aloon, pos rohanta adong do alo-alo ni". ninna Datu Parulas pa poshon roha ni natua-tua i.
Mangongos ma habegean songon alogo marpiu-piu, ai mamolus pidong si pitu ulu sian atas nasida,hape dang adong diganggu Datu Parulas, longang ma namartabuni i mamereng laos diarahon ma Datu Parukas,ninna ma:" Ua urupi ma hami lae, nunga tung godang pangisi ni luat on naung di pamate, nunga HALEANON Luat on, ala mabiar halak tu balian, tingkir ma jolo tondungmu, manang aha na mangasa-gasa di laut on".
Di alusi Datu Parulas ma Raja i, ninna ma:" Sombaon do Raja nami namanggasa-gasa, alai dang pola dia i, pos rohanta di ultop hon",Molo toho doi lae, parajaongku doho di luat on, asal ma mate Pidong sipitu ulu i, ninna Raja i tu Datu Parulas.
Dung dapot ari na tiniti na, ima rai na jomuk, di paborhat Raja i ma ibana mamrburu pidong i, ndang pola giling ari nunga ma ngongos soara ni habong ni pidong i mangareap-reap dompak Datu Parulas, Di ultop Datu Parulas ma pidong si pitu ulu i, Pisik ma sada-sada ulu ni pidong i di bahen laos mate. Margondang ma pangisi ni luat i pitu ari pitu borngin hinorhon ni las ni rohana, Jala saut ma ibana gabe hela ni Raja i, ima boru Sagala, tubu ma anakna dibahen ma goarna SIBORO, ima angka donganta marga SIBORO na di Sagala.
Ia dapot ma tingkina, ai sai margurak tu rohana mangalului Andhur Bombon i, borhat ma ibana tu LEHU,dung di ultophon ultopna tu ginjang manang dompak dia dituju bona ni Ultopna i, Patagam-tagam habiaran do halak hatiha i di lehu ala sai mangalelei pangula aili si Parante, ia marlojong ma sahak dompak Datu Parulas, jala nunga sada-sada hosana alani loja na.Dipatogap Datu Parulas monsat na ai dirimpu na laho manamun baoa namarlojong i," Aha namsa Lae" ninna Datu Parulas. " Babi parante lae", ninna baoa i mangalusi alang-alang tarbege. "Pahundlu ma jolo,dang pola beha i," ninna Datu Parulas.
Nunga adong masak indahan leleng nasida nahundul i, dipatangkas Datu Parulas ma baoa i manang aha alana umbahen pola songon i parlojong na.Di patorang ma tu Datu Parulas, ninna ma: " Manang ise namalo marmossat diluat on jadi suru on ni pangisi ni luat laho marburu aili i, aut sugari boi hupamate aili i, gabe Raja Paidua ma ahu di luat on, hape dang pola dope sasosor demban hami namaralo i, nunga songon na maheu huhilala, gabe hulehon nama detarhu pasuar-sairho na asa boi ahu malua".
Ditangkasi Datu Parulas ma baoa i, manang na tu sude do janji i marlaku molo boi dipusa aili siparatte i." Pos roham lae, tu sude do dipaboa janji i, ba rap ma hita laho tu jabu ni Raja i." ninna baoai muse tu Datu Parulas.
Mangudompang do jolma di huta ni Raja i didapot nasida nadua, ala naso boi mate aili i,alai disi dijanjihon Datu Parulas na dohot do ibana manguji pamatehon, gabe sumihar ma saotik panaili ni jolma na dihuta i.Dung adong dua ro tolu ari ibana di huta i,dipangido Datu Parulas ma tu Raja i napuran sangatup songon haborhaton na, dung adong tuk jou on ibana na mardalan i nunga pajumpang ibana dohot aili i, di ultop ma aili i pintor marhepor-hepor laos mate.Di gotap ma uluna, disandang adophon marante ni aili i,mardalan ma ibana mulak tu huta.Marsurak-surak ma pangisi ni luat i dibahen las ni rohana, gabe mambuat boru ma ibana disi, jala tubu ma anak na,dibahen ma goarna GIRSANG, ima angka dongan ta marga GIRSANG na di Dairi Papagan Ilir.
Bersambung........
Sambungan: Ia taringot ma rurohana anduhur bombon sidioran ni Datu Parulas, gabe diultophon ma ultopna mamereng tondung situjuon na.Ia dibereng ibana ma bona ni mata ni ultopna manuju dompak Pangururan, gabe marsangkap ma ibana dompak i.Dipaotohon ma tu inanta pardijabu na laho ibana mardatu tu luat ni halak,Jadi borhat ma ibana tu Pangururan.
Di Pangururan ninna hatiha i sai marlungus~lungus do hosa no halak ala manggasa² ninna diluat i naga² sombaon, ima ulok naga si PITU ULU, jala ganup ulunai ninna pitu dila na, nunga losok roha ni halak mangula, ai nunga bidang hauma naung marongrong, godang ladang naung marusrus dibahen naga i. Ai asal di bolus ulok i ninna marongrong ma nabinolis nai. Ia sahat ma Datu Parulas tu sada huta, dibereng ibana ma pangisi ni huta i margukdoppang huhut marilu², disungkun Datu Parulas ma nasida, ninna ma: "Ai aha huroha na masa tu hamu umbahen songon i marsak hamu na?".Dialusi sahalak natua² ima, ninna ma: mate aturaporan nama hami, ai marrongrongan hauma dibaen naga² ni sombaon ima ulok si pitu uli jala mardila si pitu hapi i", ninna natua² i huhut tarilu² simalolong na.
"Unang holsoan hita siala i, ai maralo alo do sandok na diatas tano on, ia so i ba ta alu²hon ti Debata dohot tu sulu² sombaon", ninna Datu Parulas mangalusi na torop i. Dungi sahalak natua² na asing mandok tu Datu Parulas, ninna mandok:" Anggo adong dope Raja na mi naboi pamatehon naga i, ba Raja paidua ma ibana di luat on. Ai nunga disuru Raja² ni luat on naposo na manitinghon, manang ise na boi pamatehon naga i, pabangkiton ni Raja ima ibanaa gabe Raja paidua jala lehononna ma satonga ni luat on rajaan na". Antong molo songoni ba rap ma hita laho tu Raja i asa hubege pandok na, ninna Datu Parulas tu natorop i. Dung i rap laho ma nasida nadua, Datu Parulas mai dohot natua² ondeng tu jolo ni raja i. Diparhatutu Raja i do janjina i,ndang muba i jala dang mose. Toho do di bulan hurung di bulan na Poltak on, ninna Datu Parulas tu raja i, disi pe hupusa naga i, jala hilalao muna ma humuntal tano di parsuda ni hosa na, ninna ibana manguduti hata na.
Toho do tutu ninna barita i, humuntal tano di parsuda ni hosa na, pisik sada² do ulu ni ulok i di ultophon Datu Parulas, laos dihilala luat i songon na humuntal tano i dibahen panggirgir ni naga i diparsuda ni hosa na. Gabe mambuat boru ma Datu Parulas di Pangururan Pulo Samosir, jala tubu ma anakna, dibehen ma goar na SIBORO, ima angka donganta marga Siboro na di Pangururan. Asa marserak sian na dua luat ido angka donganta marga Siboro tu luat na asing. Ia taringot ma muse tu roha ni Datu Parulas Anduhut Bombon sidiorsn na, di ultop ma dompak SARI DOLOK gabe borhat ma ibana tusi dung martinggal hata tu tunggane boruna. Diparaja ma disi Datu Parulas, Tubu ma anakna dibahen ma goarna PURBA SARIBU DOLOK, ima angka dongants Purbs na adong di Saribu Dolok.
Di tano Simalungun sai mardatui do Datu Parulas, pauli pagar dohot mangajarhon poda² tulus, ima najot² tabege molo mambahen ubat: " PODA TULUS ni Simalungun, ubat² naso pola adong tabas²an". Mambuat boru ma Datu Parulas di Simalungun, ima boru Manik, tubu ma anakna disi laos dibahen ma goarna PURBA PAKPAK, ima angka donganta Purba Pakpaka na di Simalungun asa MARHAHA DOLI do hita tu nasida. Saleleng di tano Simalungun godang do di dalani Ompunta Datu Parulas angka luat na asing, jala tong do sai diparaja ibana diganup huta, jala sai adong do anak na ditinggalhon ibana di si. Di nasadari haidaan ma tu Datu Parulas Anduhur Bombon i habang sian ginjang ni simajujungna, gabe di ihuthon ma i, gabe sahat ma ibana tu PARDAGANGAN so pamotoan na. Di Pardagangan ditingki haroro ni udan na marambolas dohot diparsiksik ni silla do hot ronggur, manisio ma Datu Parulas tu bona ni hau tualang nabalgai. Dibereng ibana ma hau tualang i nunga marlubang tu bagasan, mardomu mai huroha naung jumpang hatutua na, disi ma Datu Parulas mate marbatanghon hau tualang, ima sombaon namargoar " KERAMAT KUBAH PARDA-GANGAN"
Sumber fb Thamrin Purba
Komentar
Posting Komentar